Page Text
________________
२६६
चित्त-समाधि : जैन योग संजए णं समियं ।
एवं आहारसमितिजोगेणं भाविओ भवति अंतरप्पा, असबलमसंकिलिट्ठ-निव्वणचरित्तभावणाए अहिंसए संजए सुसाहू ॥
प्र० ६।२० पंचमगं-पीठ-फलग-सिज्जा-संथारग-वत्थ-पत्त-कंबल-दंडग-रयहरण-चोलपट्टग-मुहपोत्तिग-पायपुंछणादी । एयंपि संजमस्स उवबूहणट्ठयाए वातातव-दंसमसग-सीय-परिरक्खणट्ठयाए उवगरणं रागदोसरहियं परिहरितव्वं संजतेणं णिच्चं पडिलेहण-पप्फोडण-पमज्जणाए अहो य राओ य अप्पमत्तेण होइ समयं निविखवियव्वं च गिहियव्वं च भायण-भंडोवहिउवगरण ।
एवं आयाणभंडनिक्खेवणासमितिजोगेण भाविओ भवति अंतरप्पा, असबलमसंकि-लिट्ठ-निव्वण-चरित्तभावणाए अहिंसए संजते सुसाहू ॥
प्र० ७१२१ सत्य तस्स इमा पंच भावणाओ बितियस्स वयस्स अलियवयण-वेरमण-परिएक्खणट्टयाए ।
प्र० ७.१६ पढमं—सोऊणं संवरटें परमठें, सुठ्ठ जाणिऊण न वेगियं न तुरियं न चवलं न कडुयं न फरुसं न साहसं न य परस्स पीलाकरं सावज्जं, सच्चं च हियं च मियं च 'गाहकं च' सुद्धं संगयमकाहलं च समिक्खितं संजतेण कालम्मि य वत्तव्वं ।
एवं अणुवीइसमितिजोगेण भाविओ भवति अंतरप्पा, संजय-कर-चरण-नयण-वयणो सूरो सच्चज्जवसंपण्णो ।
प्र०७।१७ बितियं-कोहो ण सेवियव्वो। कुद्धो चं डिक्किओ मणूसो अलियं भणेज्ज, पिसुणं भणेज्ज, फरुसं भणेज्ज, अलियं पिसुणं फरुसं भणेज्ज ।
कलह करेज्ज, वेरं करेज्ज, विकह करेज्ज, कलहं वेरं विकह करेज्ज । सच्चं हणेज्ज, सील हणेज्ज, विणयं हणेज्ज, सच्चं सीलं विणयं हणेज्ज । वेसो भवेज्ज, वत्थं भवेज्ज, गम्मो भवेज्ज, वेसो वत्थु गम्मो भवेज्ज ।
एयं अण्णं च एवमादियं भणेज्ज कोहग्गि-संपलित्तो, तम्हा कोहो न सेवियव्वो। एवं खंतीए भाविओ भवति अंतरप्पा, संजय-कर-चरण-नयण-वयणो सूरो सच्चज्जवसंपण्णो ॥
प्र० ७.१८ ततिय-लोभो न सेवियव्वो । लुद्धो लोलो भणेज्ज अलियं खेत्तस्स व वत्थुस्स व कतेण । लुद्धो लोलो भणेज्ज अलियं कित्तीए व लोभस्स व कएण । लुद्धो लोलो भणेज्ज अलियं इड्डीए व सोक्खस्स व कएण । लुद्धो लोलो भणेज्ज अलियं भत्तस्स व पाणस्स व कएण । लुद्धो लोलो भणेज्ज अलियं पीढस्स व फलगस्स व कएण । लूडो लोलो भणेज्ज अलियं सेज्जाए व संथारकस्स व कएण । लुतो लोलो भणेज्ज अलियं वत्थस्स व पत्तस्स व कएण।
Jain Education International
For Private & Personal Use Only
www.jainelibrary.org
| SR No. | 003671 |
| Book Title | Chitta Samadhi Jain Yog |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1986 |
| Total Pages | 288 |
| Language | Hindi |
| Classification | Book_Devnagari |
| File Size | 10 MB |