________________
मोक्खपाहुड १४. सहव्वरो सवणो सम्माइट्ठी हवेइ णियमेण ।
सम्मत्तपरिणदो उण खवेइ दुट्ठट्ठकम्माई ।। १५. जो पुण परदव्वरो मिच्छादिट्ठी हवेइ सो साहू ।
मिच्छत्तपरिणदो पुण बज्झदि दुट्ठट्ठकम्मेहिं । १६. परदव्वादो दुग्गई सव्वादो ह सुग्गई होइ ।
इय णाऊण सदव्वे कुणह रई विरइ इयरम्मि ।। १७. प्रादसहावादण्णं सच्चित्ताचित्तमिस्सियं हवदि ।
तं परदव्वं भणियं अवितत्थं सव्वदरिसोहिं । दुट्ठट्ठकम्मरहियं प्रणोवमं णाणविग्गहं णिच्चं ।
सुद्धं जिणे हिं कहियं अप्पाणं हवदि सद्दव्वं ॥ १६. जे झायंति सदव्वं परदव्वपरम्मुहा दु सुचरिता ।
ते जिणवराण मग्रो अणु लग्गा लहहिं णिव्वाणं ॥ २०. जिणवरमएण जोई झाणे झाएइ सुद्धमप्पाणं ।
जेण लहइ णिव्वाणं ण लहइ किं तेण सुरलोयं ।। २१. जो जाइ जोयणसयं दियहेणेक्केण लेवि गुरुभारं ।
सो किं कोसद्धं पि हु ण सक्कए जाउ भुवणयले ॥ २२. जो कोडिए ण जिप्पइ सुहडो संगामएहिं सव्वेहिं ।
सो किं जिप्पइ इक्कि णरेण संगामए सुहडो॥ २३. सग्गं तवेण सव्वो वि पावए तहिं वि झाणजोएण ।
जो पावइ सो पावइ परलोए सासयं सोक्खं ।। २४. अइसोहणजोएणं सुद्धं हेमं हवेइ जह तह य ।
कालाईलद्धीए अप्पा परमप्पो हवदि ।। २५. वर वयतवेहि सग्गो मा दुक्खं होउ णिरइ इयरेहिं ।
छायातवट्ठियाणं पडिवालंताण गुरुभेयं ।। २६. जो इच्छइ णिस्सरिदुं संसारमहण्णवाउ रुदायो ।
कम्मिधणाण डहणं सो झायइ अप्पयं सुद्धं ।। , सव्वे कसाय मोतं गारवमयरायदोसवामोहं ।
लोयववहार - विरदो अप्पा झाएह झाणत्थो ।। २८. मिच्छतं अण्णाणं पावं पुण्णं चएवि तिविहेण ।
मोणव्वएण जोई जोयत्थो जोयए अप्पा ।। २६. जं मया दिस्सदे रूवं तं ण जाणादि सव्वहा । ___ जाणगं दिस्सदे णेव तम्हा जंपेमि केण हं।।
Jain Education International
For Private & Personal Use Only
www.jainelibrary.org
