________________
बत्तीसइमं अज्झयणं : पमायट्ठाणं
१. अच्चंतकालस्स समूलगस्स", सव्वस्स दुक्खस्स उ जो पमोक्खो।
तं भासपो मे पडिपुण्णचित्ता, सुणेह एगग्गहियं हियत्थं ॥ २. नाणस्स सव्वस्स पगासणाए, अन्नाणमोहस्स विवज्जणाए ।
रागस्स दोसस्स य संखएणं, एगंतसोक्खं समुवेइ मोक्खं ॥ ३. तस्सेस मग्गो गुरुविद्ध-सेवा, विवज्जणा बालजणस्स दूरा ।
सज्झायएगंतनिसेवणा य, सुत्तत्थसंचितणया धिई य॥ ४. आहारमिच्छे मियमेसणिज्जं, सहायमिच्छे निउणत्थबुद्धि ।
निकेयमिच्छेज्ज विवेगजोग्गं, समाहिकामे समणे तवस्सी ॥ ५. न वा लभेज्जा निउणं सहायं, गुणाहियं वा गुणो समं वा ।
एक्को वि पावाइ विवज्जयंतो, विहरेज्ज कामेसु असज्जमाणो।। ६. जहा य अण्डप्पभवा बलागा, अण्डं बलागप्पभवं जहा य ।
एमेव मोहाययणं खु तण्हं, मोहं च तण्हाययणं वयंति ॥ ७. रागो य दोसो वि य कम्मबीयं, कम्मं च मोहप्पभवं वयंति ।
कम्मं च जाईमरणस्स मूलं, दुक्खं च जाईमरणं वयंति ।। ८. दुक्खं हयं जस्स न होइ मोहो, मोहो हो जस्स न होइ तण्हा ।
तण्हा हया जस्स न होइ लोहो, लोहो हो जस्स न किंचणाई॥ ६. रागं च दोसं च तहेव मोहं, उद्धत्तुकामेण समूलजालं ।
जे जे उवाया पडिवज्जियव्वा, ते कित्तइस्सामि अहाणुपुवि ॥ १०. रसा पगामं न निसेवियव्वा, पायं रसा दित्तिकरा नराणं ।
दित्तं च कामा समभिद्दवंति, दुमं जहा साउफलं व पक्खी"॥ ११. जहा दवग्गी पउरिंधणे वणे, समारुनो नोवसमं उवेइ ।
एविदियग्गी वि पगामभोइणो, न बंभयारिस्स हियाय कस्सई ॥ १२. विवित्तसेज्जासणजंतियाणं, अोमासणाणं दमिइंदियाणं ।
न रागसत्तू धरिसेइ चित्तं, पराइनो वाहिरिवोसहेहिं ।।
Jain Education International
For Private & Personal Use Only
www.jainelibrary.org
