________________
द्वितीय अध्ययन : क्रियास्थान
१७३
दुप्पडियाणंदा असाहू, सव्वाओ पाणाइवायाओ अप्पडिविरया जावज्जीवाए जाव सव्वाओ परिगहाओ अप्पडिविरया जावज्जीवाए सव्वाओ कोहाओ जाव मिच्छादसणसल्लाओ अप्पडिविरया, सव्वाओ पहाणुम्भद्दण-वण्णग-गंधविलेवणसद्दफरिसरसरूवगंधमल्लालंकाराओ अप्पडिविरया, जावज्जीवाए सव्वाओ सगड-रह-जाण-जुग्ग-गिल्लिथिल्लि-सियासंदमाणिया-सयणासणजाणवाहणभोगभोयणपवित्थरविहीओ अप्पडिविरया जावज्जीवाए सव्वाओ कविक्कय-मासद्धमासरूवगसंववहाराओ अप्पडिविरया जावज्जीवाए सम्वाओ हिरण-सूवष्ण-धण-धष्ण-मणि-मोत्तिय-संख-सिल-पवालाओ अप्पडिविरया जावज्जीवाए, सव्वाओ कूडतुल-कूडमाणाओ अप्पडिविरया जावज्जीवाए, सवाओ आरंभसमारंभाओ अप्पडिविरया जावज्जीवाए, सव्वाओ करण-कारावणाओ अपडिविरया जावज्जीवाए, सव्वाओ पयण-पयावणाओ अप्पडिविरया जावज्जीवाए, सवाओ कुट्टणपिट्टणतज्जणताउणवहबंधणपरिकिलेसाओ अप्पडिविरया जावज्जीवाए, जे आवण्णे तहप्पगारा सावज्जा अबोहिया कम्मंता परपाणपरियावणकरा जे अणारिएहि कज्जति, ततो अप्पडिविरया जावज्जीवाए।
से जहाणामए केइ पुरिसे कलममसूरतिलमुग्गमासनिप्फावकुलत्थआलिसंदगपलिमंथगमादिहि अयंते कूरे मिच्छादंडं पउंति, एवमेव तहप्पगारे पुरिसजाए तित्तिरवट्टगलावगकवोतविजलमियमहिसवराहगाहगोहकुम्भसिरिसिवमादिएहिं अयंते कूरे मिच्छादंडं पउंजंति, जावि य से बाहिरिया परिसा भवइ, तं जहा-दासे इ वा, पेसे इ वा, भयए इ वा, भाइले इ वा, कम्मकरए इ वा, भोगपुरिसे इ वा, तेसि पि य णं अन्नयरंसि वा अहालहुगंसि अवराहसि सयमेव गरुयं दंडं निवत्तेइ, तं जहा-इमं दंडेह, इम मुंडेह, इमं तज्जेह, इमं तालेह, इमं अदुयबंधणं करेह, इमं नियलबंधणं करेह, इमं हड्डिबंधणं करेह, इमं चारगबंधणं करेह, इमं नियलजुयलसंकांचियमोडियं करेह, इमं हत्थछिन्नयं करेह, इमं पायछिन्नयं करेह, इमं कन्नछिण्णय करेह, इमं नक्कओट्ठसीसमुहछिन्नयं करेह, वेयगछहियं अंगछहियं पक्खाफोडियं करेह, इमं णयणुप्पाडियं करेह, इमं दसणुप्पाडियं करेह, वसणुप्पाडियं जिन्भुपाडियं ओलंबियं करेह, घसियं करेह, घोलियं करेह, सूलाइयं करेह, सूलाभिन्नयं करेह, खारवत्तियं करेह, वज्झत्तियं करेहं सीह पुच्छियगं करेह, वसभपुच्छि
Jain Education International
For Private & Personal Use Only
www.jainelibrary.org
