Page Text
________________
पज्जोसवणाकप्पो सुरे वीरे विक्कंते विच्छिन्न विउलबलवाहणे रज्जवई राया भविस्सइ, तं' ओराला
णं तुमे देवाणुप्पिए ! सुमिणा दिट्ठा जाव दोच्चं पि तच्चं पि अणुवूहइ ॥ तिसलाए सुमिषजागरिया-पदं ३६. तए णं सा तिसला खत्तियाणी सिद्धत्थस्स रण्णो अंतिए एयमझें सोच्चा निसम्म
हट्टतुट्ठ-चित्तमाणं दिया जाव हरिसवस-विसप्पमाणहियया करयल परिग्गहियं दसनहं सिरसावत्तं मत्थए अंजलि कट्ट 'सिद्धत्थं खत्तियं एवं वयासी-एवमेयं सामी!तहमेयं सामी ! अवितहमेयं सामी ! असंदिद्धमेयं सामी ! इच्छियमेयं सामो ! पडिच्छियमेयं सामी ! इच्छिय-पडिच्छियमेयं सामी ! सच्चे णं एसमठे से जहेयं तुब्भे वयह त्ति कट्ट ते सुमिणे सम्म पडिच्छइ, पडिच्छित्ता सिद्धत्थेणं रण्णा अब्भणण्णाया समाणी नाणामणिरयणभत्तिचित्ताओ भद्दासणाओ अब्भुठेइ, अब्भुठेत्ता अतुरियमचवलमसंभंताए अविलंबियाए रायहंससरिसीए गईए जेणेव सए सयणिज्जे तेणेव उवागच्छइ, उवागच्छित्ता 'सणिज्जे दुरुहेइ दुरुहेत्ता" एवं वयासी--मा मेते उत्तमा पहाणा मंगल्ला महासुमिणा' अण्णेहि पावसुमिणेहिं पडिहम्मिस्संति' त्ति कट्ट देवयगुरुजणसंबद्धाहिं पसत्थाहिं मंगल्लाहिं धम्मियाहिं लट्ठाहिं" कहाहि
सुमिणजागरियं ‘पडिजागरमाणी-पडिजागरमाणो" विहरइ ।। सुमिनपाढग-निमंतण-पदं ४०. तए णं सिद्धत्थे खत्तिए पच्चूसकालसमयंसि कोडुंबियपुरिसे सद्दावेइ, सद्दावेत्ता एवं
वयासी-खिप्पामेव भो देवाणु प्पिया ! अज्ज सविसेसं बाहिरियं उबढाणसालं गंधोदयसित्त-सूइय"-सम्मज्जिओवलित्तं सुगंधवरपंचवण्णपुप्फोवयारकलियं कालागरु-पवरकंदुरुक्क"-तुरुक्क-डज्झतधूव-मघमघेतगंधुद्धयाभिरामं सुगंधवरगंधियं गंधवट्टिभयं करेह कारवेह, करेत्ता कारवेत्ता सीहासणं 'रयावेह, रयावेत्ता' ममेय
माणत्तियं खिप्पामेव पच्चप्पिणह ॥ ४१. तए णं ते कोडुबियपुरिसा सिद्धत्थेणं रण्णा एवं वुत्ता समाणा हट्ठतुट्ठ-चित्तमागंदिया
जाव हरिसवस-विसप्पमाणहियया करयल" *परिग्गहियं दसनहं सिरसावत्तं मत्थए अंजलि कट्ट एवं सामि ! ति आणाए विणएणं वयणं पडिसुणंति, पडिसुणित्ता सिद्धत्थस्स खत्तियस्स अंतियाओ पडि निक्खमंति, पडिनिक्खमित्ता जेणेव बाहिरिया
उवट्टाणसाला तेणेव उवागच्छंति, उवागच्छित्ता खिप्पामेव सविसेसं बाहिरियं १. तं जहा (ख, ग, पु)।
६. बाहिरिज्जं (पु)। २,३. x (क, ख, ग, घ, पु)।
१०. सुइ (ता); x (पु)। ४. पसत्था (ता)।
११. पवरकंदुरुक्क (ख, ग) । ५. सुमिणा (क, ख, ग, घ)।
१२. धूवडज्झतसुरभि (ता) ६. पडिहिमिहि (ता)।
१३. रएंति २ (ता)। ७. लद्धाहिं (ग)।
१४. सं० पा०करयल जाव कटु । ८. जागरमाणी पडिजा० (क, ख, ग, घ, पु)!
Jain Education International
For Private & Personal Use Only
www.jainelibrary.org
| SR No. | 003585 |
| Book Title | Agam 27 Chhed 04 Dashashrutskandh Sutra Dasao Terapanth |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 2000 |
| Total Pages | 140 |
| Language | Prakrit |
| Classification | Book_Devnagari, Agam, Canon, & agam_dashashrutaskandh |
| File Size | 4 MB |