Page Text
________________
५५०
पज्जोसवणाकप्पो
२३२. वासावासं पज्जोसवियाणं कप्पइ निम्गंथाण वा निग्गंथीण वा सव्वओ समंता सको संजोयणं भिक्खायरियाए गंतुं पडिनियत्तए' जत्थ णं नई निच्चोयगा निच्चसंदणा नो से कप्पइ सव्वओ समंता सकोसं जोयणं भिक्खायरियाए गंतुं पडिनिय - सए । एरवईए' कुणालाए जत्थ चक्किया' एगं पायं जले किच्चा एगं पायं थले किच्चा एवं चक्किया एवं णं कप्पइ सव्वओ समंता सकोसं जोयणं भिक्खायरियाए डिनियत्तए, एवं नो चक्किया एवं णं नो कप्पइ सव्वओ समंता सकोस जोयणं गंतुं पडिनियत्तए ||
hi
२३३. वासावासं पज्जोसविताणं अत्थेगतियाणं एवं वृत्तपुव्वं भवइ दावे भंते ! एव से कप्पइ दावित्तए, नो से कप्पइ पडिगाहित्तए ||
२३४. वासावासं पज्जोसवियाणं अत्थेगइयाणं एवं वुत्तपुव्वं भवइ पडिगाहे भंते ! एवं से कप्पइ पडिगाहित्तए, नो से कप्पइ दावित्तए ।
२३५. वासावासं पज्जोसवियाणं अत्येगइयाणं एवं वृत्तपुव्वं भवइ दावे भंते ! पडिगाहे भंते ! एवं से कप्पइ दावित्तए वि पडिगाहित्तए वि ॥
२३६. वासावासं पज्जोसवियाणं नो कप्पइ निग्गंथाण वा निग्गंथीण वा हट्टानं ' आरोग्गाणं बलियसरीराणं इमाओ नवरसविगईओ अभिक्खणं अभिक्खणं आहारितए, तं जहा - खीरं दहि नवणीयं सप्पि तिल्लं गुडं महुं मज्जं मंसं 11
२३७. वासावासं पज्जोसवियाणं अत्थेगतियाणं एवं वृत्तपुण्वं भवइ अट्ठो भंते ! गिलाणस्स ? 'से य वएज्जा' - अट्ठो" ।
से य पुच्छियव्वे सिया - केवइएणं अट्ठो ? से य वएज्जा -- एवइएणं अट्ठो गिलास' ।
जं से पमाणं वदति से पमाणतो घेत्तव्वे । से य विष्णवेज्जा, से य विष्णवेमाणे लभिज्जा, से य पमाणपत्ते, होउ अलाहि इति वत्तव्वं सिया ।
से किमाहु भंते ! एवइएणं अट्ठो गिलाणस्स । सिया णं एवं वयंत परो वएज्जा-डिग्गाहेहि अज्जो ! तुमं पच्छा" भोक्खसि वा पाहिसि" वा एवं से कप्पइ डिग्गाहित्तए, नो से कप्पइ गिलाणनीसाए पडिग्गाहित्तए ||
२३८. वासावासं पज्जोसवियाणं अत्थि णं थेराणं" तहप्पगाराई कुलाई कडाई पत्तियाई थेज्जाई वेसासियाई सम्मयाई बहुमयाई अणुमयाई भवंति, तत्थ" से नो कप्पइ
१. पडियत्तए (ता, पु ) !
२. एरावई ( क, ख, ग, घ ) 1
३. चक्किया सिया ( क ) 1
४. पडिगाहिं ( क, ख, ग, घ ) ।
५. हट्टाणं तुट्ठाणं (ख, घ ) ।
६. वइज्जा ( क ) सर्वत्र । ७. हंता अट्ठो (ता)।
Jain Education International
८. x (ता) ।
६. होज्जा (ता) |
१०. पिच्चा (ता) |
११. दाहिसी वा पयाहिसि ( ग ) ; दाहिसि (ता ) ;
देहिसि (पु) ।
१२. समणाणं ( ता ) !
१३. जत्थ (ता) |
For Private & Personal Use Only
www.jainelibrary.org
| SR No. | 003585 |
| Book Title | Agam 27 Chhed 04 Dashashrutskandh Sutra Dasao Terapanth |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 2000 |
| Total Pages | 140 |
| Language | Prakrit |
| Classification | Book_Devnagari, Agam, Canon, & agam_dashashrutaskandh |
| File Size | 4 MB |