________________
बउत्थी दसा
४३३
यावि भवति । से तं वयणसंप्रदा॥ ८. से कि तं वायणासंपदा ? वायणासंपदा चउन्विहा पण्णत्ता, तं जहा—विजयं'
उद्दिसति', विजय वाएति, परिनिव्वावियं वाएति, अत्थनिज्जवए यावि भवति । से तं वायणासंपदा॥ ६. से किं तं मतिसंपदा ? मतिसंपदा चउव्विहा पण्णता, तं जहा–ओग्गहमतिसंपदा,
ईहामतिसंपदा, अवायमतिसंपदा, धारणामतिसंपदा ॥ १०. से किं तं ओग्गहमती ? ओग्गहमती छव्विहा पण्णत्ता, तं जहा–खिप्पं ओगिण्हति,
बहुं ओगिण्हति बहुविहं ओगिण्हति, वं ओगिण्हति, अणिस्सियं ओगिण्हति,
असंदिद्धं ओगिण्हति । से तं ओग्गहमती । एवं ईहामती वि, एवं अवायमती वि ।। ११. से किं तं धारणामती ? धारणामती छविहा पण्णत्ता, तं जहा-बहुं धरेति, बहु
विधं धरेति, पोराणं धरेति, दुद्धरं धरेति, अणिस्सियं धरेति, असंदिद्धं धरेति । से
तं धारणामती । से तं मतिसंपदा ॥ १२. से किं तं पओगसंपदा ? पओगसंपदा चउविधा पण्णत्ता, तं जहा-आतं विदाय
'वादं पउंजित्ता" भवति, परिसं विदाय वादं पउंजित्ता भवति, खेत्तं विदाय वादं
पउंजित्ता भवति, वत्थु विदाय वादं पउंजित्ता भवति । से तं पओगसंपदा ॥ १३. से किं तं संगहपरिग्णासंपदा' ? संगहपरिण्णासंपदा चउन्विहा पण्णत्ता, तं जहा---
बहुजणपाओग्गताए वासावासासु खेत्तं पडिलेहित्ता भवति, बहुजणपाओग्गताए पाडिहारियपीढफलगसेज्जासंथारयं ओगेण्हित्ता भवति । कालेणं कालं समाणइत्ता
भवति, अहागुरुं संपूएत्ता भवति । से तं संगहपरिण्णासंपदा ।। आयरियस्स निरिणस-पवं १४. आयरिओ अंतेवासि इमाए चउब्विधाए विणयपडिवत्तीए विणएत्ता" निरिणत्तं
गच्छति, तं जहा–आयारविणएणं, सुयविणएणं", विक्खेवणाविणएणं, दोसनिग्धा
यणाविणएणं" ॥ १५. से किं तं आयारविणए ? आयारविणए चउविहे पण्णत्ते, तं जहा-संजमसामायारी ' यावि भवति, तवसामायारी यावि भवति, गणसामायारी यावि भवति, एगल्ल
विहारसामायारी यावि भवति । से तं आयारविणए । १. वितियं (ता)।
८. वायं (ता)। २. उद्देसति (क)।
६. परिण्णानामसंपदा (क, ख); संगहपइन्ना ३. विययं (ता)।
(ता)। ४. परिणिव्ववियं (ता)।
१०. समाणेत्ता (ता)। ५. ०निज्जावए (क्व)।
११. विणयित्ता (ता)। ६. अणिसियं (क)।
१२. सुत० (ता)। ५. वातं पर्युजित्ता (ता)।
१३. दोसविधायणताए (ता)।
Jain Education International
For Private & Personal Use Only
www.jainelibrary.org
