Agam 27 Chhed 04 Dashashrutskandh Sutra Dasao Terapanth

SR No.: 003585
Original Sutra Author: N/A
Author: Tulsi Acharya, Mahapragna Acharya
Publisher: Jain Vishva Bharati
Publication Year: 2000
Total Pages: 140
Language: Prakrit
Classification: Book_Devnagari, Agam, Canon, & agam_dashashrutaskandh
File Size: 4 MB

Page 127

पज्जोसवणाकप्पो
५४७
ण्णाया होत्था, तं जहा-थेरे अज्जवइरसे णिए, थेरे अज्जपउमे, थेरे अज्जरहे ।। २१८. थेरेहितो णं अज्जवइरसेणिएहितो, एत्थ णं अज्जनाइली' साहा निग्गया । २१६. थेरेहितो णं अज्जपउमेहितो, एत्य णं अज्जपउमा साहा निग्गया । २२०. थेरेहितो णं अज्जरहेहितो, एत्थ णं अज्जजयंती साहा निग्गया ।। २२१. थेरस्स णं अज्जरहस्स वच्छसगोत्तस्स अज्जपूस गिरी थेरे अंतेवासी कोसियगोत्ते। २२२. थेरस्स णं अज्जपूस गिरिस्स कोसियगोत्तस्स अज्जफग्गुमित्ते थेरे अंतेवासी गोयमसगुत्ते।
वंदामि फग्गु मित्तं', गोयमं धणगिरिं च वासिट्ठ। कोच्छि' सिवभूई पि य, कोसिय दोज्जितकंटे' य॥१॥ तं वंदिऊण सिरसा, वत्तं" वंदामि कासवसगोत्तं । णक्खं कासवगोत्तं, रक्खं पि य कासवं वंदे ॥२॥
१. अज्जनाइला (ता)! २. कासिवगुत्ते (ग)। ३. अतोने 'क, ख, ग' प्रतिषु असो निम्नांकित: पाठोधिक उपलभ्यते-थेरस्स णं अज्जफरगुमित्तस्स गोयमसगुत्तस्स अज्जधणगिरी थेरे अंतेवासी वासिटुसगोत्त ।। थेरस्स णं अज्जधणगिरिस्स दासिट्टसगोत्तस्स अज्जसिवभूई थेरे अंतेवासी कुच्छसगोत्ते ।। थेरस्स णं अज्जसिवभूइस्स कुच्छसगोत्तस्स अज्जभद्दे थेरे अंतेवासी कासवगुत्ते ॥ थेरस्स णं अज्जभद्दस्स कासवगुत्तस्स अज्जनक्खत्ते थेरे अंतेवासी कासवगुत्ते । थेरस्स णं अज्जनक्खत्तस्स कासवगुत्तस्स अज्जरक्खे थेरे अंतेवासी कासवगुत्ते ।। थेरस्स णं अज्जरक्खस्स कासवगुत्तस्स अज्जनागे थेरे अंतेवासी गोयमसगोत्ते । थेरस्स णं अज्जनागस्स गोयमसगुत्तस्स अज्जजेहिले थेरे अंतेवासी वासिट्रसगुत्ते ।। थेरस्स णं अज्ज- जेहिलस्स वासिट्ठस गुत्तस्स अज्जविण्हू थेरे अंतेवासी माढरसगोत्ते । थेरस्स णं अज्ज- विण्हस्स माढरसगुत्तस्स अज्जकालए थेरे अंते- वासी गोयमसगोत्ते ।। थेरस्स णं अज्जकाल-
गस्स गोयमसगुत्तस्स इमे दुवे थेरा अंतेवासी गोयमसगोत्ता-थेरे अज्जसंपलिए थेरे अज्जभद्दे ॥ एएसि दुष्ह वि थेराणं गोयमसगुत्ताणं अज्जवुड्ड थेरे अंतेवासी गोयमसगुत्ते ॥ थेरस्स णं अज्जवुड्डस्स गोयमसगोत्तस्स अज्जसंघपालिए थेरे अंतेवासी गोयमसगोत्ते ॥ थेरस्स णं अज्जसंघपालियस्स गोयमसगोत्तस्स अज्जहत्थी थेरे अंतेवासी कासवगुत्ते । थेरस्स णं अज्जहत्थिस्स कासवगुत्तस्स अज्जधम्मे थेरे अंतेवासी सुव्वयगोत्ते ।। थेरस्स णं अज्जधम्मस्स सुब्धयगोत्तस्स अज्जसीहे थेरे अंतेवासी कासवगुत्ते ।। थेरस्स णं अज्जमीहस्स कासवगुत्तस्स अज्जघम्मे थेरे अंतेवासी कासवगुत्ते । थेरस्स गं अज्जधम्मस्स कासवगुत्तस्स अज्जसंडिल्ले थेरे
अंतेवासी। ४. फग्गुमित्तं च (ग, पु)। ५. कुच्छ (क, ख); कुच्छिं (ग)। ६. दुज्जतकण्हे (क, ख, ग); दुन्जिन्तिकंटे
(ता)। ७. भई (क, ख): चित्तं (4)। ८. कासवगोत्तं (ख, ग, घ, पु) ।