________________
पज्जोसवणाकप्यो
५३५
एग वाससहस्सं सव्वाउयं पाल इत्ता खीणे वेयणिज्जाउयनामगोत्ते' इमीसे ओस प्पिणीए दूसमसुसमाए समाए बहुवीइक्कंताए जेसे गिम्हाणं चउत्थे मासे अट्ठमे पक्खे-- आसाढसद्धे तस्स णं आसाढसद्धस्स अट्रमी-पक्खेणं उप्पि उज्जितसेलसिहरंसि पंचहिं छत्तीसेहि अणगारसएहिं सद्धि मासिएणं भत्तेणं अपाणएणं चित्ताहिं नक्खत्तेणं जोगमुवागएणं पुन्वरत्तावरत्त-कालसमयंसि नेसज्जिए कालगए जाव' सव्वदुक्खप्प
हीणे ॥ १३६. अरहओ णं अरिट्ठनेमिस्स कालगयस्स जाव सन्वदुक्खप्पहीणस्स चउरासीइं
वाससहस्साई विइक्कंताई, पंचासीइमस्स य वाससहस्सस्स नव वाससयाई विइक्कं
ताई, दसमस्स य वाससयस्स अयं असीइमे संवच्छरेकाले गच्छइ।। विसतितित्थगर-पदं १४०. नमिस्स णं अरहओ कालगयस्स जाव' सव्वदुक्खप्पहीणस्स पंच वाससयसहस्साई
चउरासीइं च वाससहस्साई नव य वाससयाई विइक्कंताई, दसमस्स य वाससयस्स
अयं असीइमे संवच्छरे काले गच्छइ ।। १४१. मणिसुव्वयस्स णं अरहओ कालगयस्स जाव सब्वदुक्खप्पहीणस्स एक्कारस वाससय
सहस्साई चउरासीइं च वाससहस्साइं नव य वाससयाई विइक्कंताई, दसमस्स य
वाससयस्स अयं असीइमे संवच्छरे काले गच्छइ ॥ १४२. मल्लिस्स णं अरहओ कालगयस्स जाव सव्वदुक्खप्पहीणस्स पन्न४ि वाससंयसहस्साई
चउरासीई वाससहस्साई नव य वाससयाई विइक्कंताई, दसमस्स य वाससयस्स अयं
असीइमे संवच्छरे काले गच्छइ ।। १४३. अरस्स णं अरहओ कालगयस्स जाव सव्वदुक्खप्पहीणस्स एगे वासकोडिसहस्से
वितिक्कते, सेसं जहा मल्लिस्स । तं च एयं--पंचसट्टि लक्खा चउरासीइसहस्सा विइक्कंता, तम्मि समए महावीरो निव्वुओ । ततो परं नववाससया विइक्कंता, दसमस्स य वाससयस्स अयं असीइमे संवच्छरे काले गच्छइ । एवं अग्गओ जाव
सेयंसो ताव दट्टव्वं ॥ १४४. कुंथस्स णं अरहओ कालगयस्स जाव सव्वदुक्खप्पहीणस्स एगे चउभागपलिओवमे
विइक्कते, पंचसटुिं च सयसहस्सा सेसं जहा मल्लिस्स ।। १४५. संतिस्स णं अरहओ कालगयस्स जाव सव्वदुक्खप्पहीणस्स एगे चउभागूणे पलिओवमे
विइक्कते, पन्नट्टि च, सेस जहा मल्लिस्स ॥ १४६. धम्मस्स णं अरहओ कालगयस्स जाव सव्वदुक्खप्पहीणस्स तिनि सागरोवमाई
विइक्कंताई, पन्न४ि च, सेसं जहा मल्लिस्स ॥ १४७. अणंतस्स णं अरहओ कालगयस्स जाव सम्वदुक्खप्पहीणस्स सत्त सागरोवमाई
१. वेयणिज्जे आउए नामे गोते (ता)। २. ५० सू० १०६ ।
३. १० सू० १०६॥ ४. लक्खा (ग)।
Jain Education International
For Private & Personal Use Only
www.jainelibrary.org
