________________
पज्जोसवणाकप्पो १०६. तेणं कालेणं तेणं समएणं पासे अरहा पुरिसादाणीए जेसे गिम्हाणं पढमे मासे पढमे
पक्खे-चित्तबहुले, तस्स णं चित्तबहुलस्स चउत्थी-पक्खेणं' पाणयाओ कप्पाओ वीसं सागरोवमद्वितीयाओ अणंतरं चयं चइत्ता इहेव जंबुद्दीवे दीवे भारहे वासे वाणारसीए नयरीए आससेणस्स रण्णो वामाए देवीए पुव्वरत्तावरत्त-कालसमयंसि विसाहाहिं नक्खत्तेणं जोगमुवागएणं आहारवक्कंतीए भववक्कंतीए सरीरवक्कंतीए कुच्छिसि
गब्भत्ताए बक्कते॥ ११०. पासे णं अरहा पुरिसादाणीए तिण्णाणोवगए यावि होत्था-चइस्सामि त्ति जाणइ,
चयमाणे न जाणइ, चुएमित्ति जाणइ । तेणं चेव अभिलावेणं सुविणदसण विहाणेणं
सव्वं जाव' निययं गिहं अणुप्पविट्ठा जाव सुहंसुहेणं तं गब्भं परिवहइ ॥ १११. तेणं कालेणं तेणं समएणं पासे अरहा पुरिसादाणीए जेसे हेमंताणं दोच्चे मासे तच्चे
पक्खे-पोसबहुले, तस्स णं पोसबहुलस्स दसमी-पक्खेणं नवण्हं मासाणं बहुपडिपुण्णाणं अट्ठमाणं राइंदियाणं विइक्कंताणं पुन्वरत्तावरत्त-कालसमयंमि विसाहाहिं नक्खत्तेणं जोगमुवागएणं 'आरोगा आरोगं दारयं पयाया। जम्मणं सव्वं पासा
भिलावेणं भाणियव्वं जाव' तं होउ णं कुमारे पासे नामेणं ॥ ११२. पासे गं अरहा पुरिसादाणीए दक्खे दक्खपइण्णे पडिरूवे अल्लीणे भद्दए विणीए
वीसं वासाई अगारवासमझे वसित्ता पुणरवि लोयंतिएहिं जियकप्पिएहिं देवेहि ताहिं इटाहिं जाव एवं वयासी-जय-जय नंदा ! जय-जय भद्दा ! भई ते जाव"
जय-जय सई पउंति ॥ ११३. पुटिव पिणं पासस्स अरहओ पुरिसादाणीयस्स माणुस्सगाओ" गिहत्थधम्माओ अणु
त्तरे आहोहिए" तं चेव सव्वं जाव" दायं दाइयाणं परिभाएत्ता जेसे हेमंताणं दोच्चे मासे तच्चे पक्खे-पोसबहुले, तस्स णं पोसबहुलस्स एक्कारसी-पक्खेण" पुन्वण्हकालसमयंसि" 'विसालाए सिवियाए" सदेवमणुयासुराए परिसाए तं चेव सव्वं", नवरं-वाणारसिं नगरि मज्झमज्झेणं निग्गच्छइ, निग्गच्छित्ता जेणेव आसमपए उज्जाणे जेणेव असोगवरपायवे तेणेव उवागच्छइ, उवागच्छित्ता असो
१०. प० सू० ७३ । ११. मणुस्सातो (ता)। १२. आहोइए (क, ख, ग, घ);
आहोहियए
१. दिवसेणं (ख)। २. वम्माए (क, ख, ता, पु); वमाए (ग)। ३. प० सू०१०-५०। ४. प० सू० ५८। ५. दिवसेणं (ख)। ६. आरोग्गा आरोग्गं (क); आरुग्गा आरुग्गं
(ख, ग, घ) अरोगा आरोग (पु)। ७. ५० सू० ६०-६६ । ८. पडिपुण्णरूवे (ता)। ६.जीय० (ता)।
१३. १० सू०७४। १४. दिवसेणं (क, ख, ग, घ पू)। १५. पुव्वण्ह देसकाल (ता)। १६. सालाए सीयाए (ता)। १७. ५० सू०७४, ७५ । १८. वाणारसोए नयरीए मझणं (ता)।
Jain Education International
For Private & Personal Use Only
www.jainelibrary.org