Page Text
________________
अणुओगदाराई
नागकूमाराणं भंते! केवतिअं कालं ठिई पण्णत्ता ? गोयमा ! जहन्नेणं दस बाससहस्साइं, उक्कोसेणं देसूणाई दुण्णि पलिओवमाइं । नागकुमारीणं भंते! केवतिअं कालं ठिती पण्णता ? गोयमा! जहन्नेणं दस वाससहस्साई, उक्कोसेणं देसूर्ण पलिओवमं । एवं जहा णागकुमाराणं देवाणं देवीण य तहा जाव थणिय कुमाराणं देवाणं देवीण य भाणिअव्वं । पुढविकाइआणं भंते! केवइ कालं ठिती पण्णत्ता? गोयमा! जहन्नेणं अंतोमुहत्तं उक्कोसेणं बावीसं वाससहस्साई । सुहमपुढविकाइआणं ओहिआणं अपज्जत्तगाणं पज्जत्तगाण य तिण्ह वि पुच्छा। गोयमा! जहन्नेण वि अंतोमुहत्त, उक्कोसेण वि अंतोमुत्तं । बादरपुढविकाइयाणं पुच्छा । गोयमा! जहन्नेणं अंतोमुहत्तं, उक्कोसेणं बावीसं वाससहस्साइं। अपज्जत्तगबादरपुढविकाइयाणं पुच्छा। गोयमा! जहन्नेण वि अंतोमुहत्तं, उक्कोसेण वि अंतोमुहत्तं । पज्जत्तगबादरपुढविकाइयाणं पुच्छा । गोयमा! जहन्नेणं अंतोमुहत्तं, उक्कोसेणं बावीसं वाससहस्साई अंतोमुत्तूणाई। एवं सेसकाइआणं वि पुच्छा वयणं भाणियब्वं । आउकाइआणं जहन्नेणं अंतोमुहुत्तं, उक्कोसेणं सत्त वाससहस्साई। सुहमआउकाइआणं ओहिआणं अपज्जत्तगाणं पज्जत्तमाणं तिण्ह वि जहन्नेण वि अंतोमुहुत्तं, उक्कोसेण वि अंतोमुहुतं । बादरआउकाइयाणं जहा ओहिआणं । अपज्जत्तगबादरआउकाइआणं जहन्नेण वि अंतोमहत्तं, उक्कोसेण वि अंतोमुहत्तं । पज्जत्तगबादरआउकाइआणं जहन्नेणं अंतोमुहत्तं, उक्कोसेणं सत्त वाससहस्साइं अंतोमुहुत्तूणाई। तेउकाइआणं जहन्नेणं अंतोमुहत्तं, उक्कोसेणं तिणि राइंदिआई । सुहमतेउकाइआणं ओहिमाणं अपज्जत्तगाणं पज्जत्तगाणं तिण्ह वि जहन्नण वि अंतोमुहत्तं, उक्कोसेण वि अंतोमुहत्तं। बादरतेउकाइआणं जहन्नेणं अंतोमुहत्त, उक्कोसेणं तिण्णि राइंदिआई। अपज्जत्तगबादरतेउकाइआणं जहन्नेण वि अंतोमुहत्तं, उक्कोसेण वि अंतोमुहत्तं । पज्जत्तगबादरतेउकाइआणं जहन्नेणं अंतोमुहत्तं, उक्कोसेणं तिण्णि राइंदियाइं अंतोमुहत्तणाई। वाउकाइआण जहन्नेणं अंतोमुहत्तं, उक्कोसेणं तिणि वाससहस्सा 1 सुहमवाउकाइआणं ओहिआणं अपज्जत्तगाणं पज्जत्तगाण यति ह वि जहन्नेण वि अंतोमुहत्तं, उक्कोसेण वि अंतोमहत्तं । बादरवाउकाइयाण जहन्नेणं अंतोमूहत्तं, उक्कोसेणं तिण्णि वाससहस्साई। अपज्जत्तगबादरवाउकाइयाणं जहन्नेण वि अंतोमुहुत्तं, उक्कोसेण वि अंतोमुहुत्तं । पज्जतगबादरवाउकाइयाणं जहन्नेणं अंतोमुहुत्तं, उक्कोसेणं तिणि वाससहस्साइं अंतोमुत्तूणाई । वणस्सइकाइआणं जहन्नेणं अंतोमुहत्तं, उक्कोसेणं दस वाससहस्साई। सुहमवणस्सइकाइआणं ओहिआणं अपज्जत्तगाणं पज्जत्तमाण यति ह वि जहन्नेण वि अंतोमुहत्तं, उक्कोसेण वि अंतोमुहत्तं । बादरवणस्सइकाइयाणं जहन्नेणं अंतोमुहुत्तं, उक्कोसेणं दसवाससहस्साई । अपज्जतगबादरवणस्सइ. काइयाणं जहन्नेण वि अंतोमुहत्तं, उक्कोसेण वि अंतोमुहत्तं । पज्जत्तगबादरवणस्स इकाइयाणं जहन्नेणं अंतोमूहत्तं, उक्कोसेणं दस वाससहस्साइं अंतोमुहत्तणाई। बेइंदिआणं भंते ! केवइअं कालं ठिई पण्णत्ता ? गोयमा ! जहन्नेणं अंतोमुहत्तं, उक्कोसेणं बारस संवच्छराणि । अपज्जत्तगबेइंदिआणं पुच्छा। गोयमा ! जहन्नेण वि अंतोमुहत्तं, उक्कोसेण वि अंतोमुहत्तं । पज्जत्तगबेइंदिआणं पुच्छा । गोयमा ! जहन्नेणं अंतोमुहुत्तं, उक्कोसेणं बारस संवच्छराइं अंतोमहत्तणाई । तेइंदिआणं भंते ! केवइ कालं ठिई पण्णत्ता ? गोयमा जहन्नेणं अंतोमुहत्तं, उक्कोसेणं एकुणपणासं राइंदिआई। अपज्जत्तगतेइंदिआणं पुच्छा ! गोयमा ! जहन्नेण वि अंतो
Jain Education International
For Private & Personal Use Only
www.jainelibrary.org
| SR No. | 003584 |
| Book Title | Agam 32 Chulika 02 Anuyogdwar Sutra Anuogdaraim Terapanth |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 2000 |
| Total Pages | 135 |
| Language | Prakrit |
| Classification | Book_Devnagari, Agam, Canon, & agam_anuyogdwar |
| File Size | 4 MB |