________________
अणुओगदाराई
३६६
साडि वा गहाय सयराहं' हत्थमेत्तं' ओसारेज्जा । तत्थ चोयए पष्णवयं एवं वयासी— जेणं कालेणं तेणं तुण्णागदारएणं तीसे पडसाडियाए वा पट्टसाडियाए वा सयराहं हत्थमेत्त ओसारिए से समए भवइ ? नो इणमट्ठे समट्ठे ।
कम्हा ? जम्हा' संखेज्जाणं तंतूणं समुदय समिति-समागमेणं एगा' पडसाडिया निप्फज्जइ', उवरिल्लम्मि', तंतुम्मि अच्छिणे हेट्ठिल्ले' तंतू न छिज्जइ, अण्णम्मि काले' उवरिल्ले तंतू छिज्जइ, अण्णम्मि काले हेट्ठिल्ले तंतू छिज्जइ, तम्हा से सभए न भवइ । एवं वयंतं पण्णवयं चोयए एवं व्यासी जेणं कालेणं तेणं तुष्णागदारएणं तीसे पडसाडियाए वा पट्टसाडियाए वा उवरिल्ले तंतू छिष्णे से समए' ? 'न भवइ" ।
कम्हा ? जम्हा संखेज्जाणं पम्हाणं समुदय समिति-समागमेणं एगे तंतू निष्फज्जइ, उवरिल्ले पन्हे अच्छिणे हेट्ठिल्ले पम्हे न छिज्जइ, अण्णम्मि काले उवरिल्ले म्हे छज्जइ, अण्णम्मिकाले हेट्ठिल्ले पन्हे छिज्जइ, तम्हा से समए न भवइ । एवं वयं तं पण्णवयं चोयए एवं वयासी- जेणं कालेणं तेणं तुण्णागदारएणं तस्स तंतुस्स उवरिल्ले पन्हे छिण्णे से समए ? 'न भवइ "" ।
कम्हा ? जम्हा अणंताणं संघायाणं समुदय समिति-समागमेणं एगे पम्हे निप्फज्जइ, उवरिल्ले संघाए अविसंघाइए हेट्ठिल्ले संघाए न विसंघाइज्जइ", अण्णम्मि काले उवरिल्ले संघाए विसंघाइज्जइ, अण्णम्मि काले हैट्ठिल्ले संघाए विसंघाइज्जइ, तुम्हा से समए न भवइ । 'एत्तो वि य णं सुहुमतराए समए पण्णत्ते समणाउसो ! ४१७. असंखेज्जाणं समयाणं समुदय समिति-समागमेणं सा एगा आवलिया त्ति बच्चइ संखेज्जाओ आवलियाओ ऊसासो, संखेज्जाओ आवलियाओ नीसासो । सिलोगा-
हट्ठस्स अणवगल्लस, निरुव विकटुस्स
जंतुणो । एगे ऊसास- नीसासे, एस पाणु त्ति वुच्चइ ॥१॥ सत्त पाणि से थोवे, सत्त योवाणि सेलवे । लवाणं सत्तहत्तरिए, " एस मुहुत्ते विग्राहिए" ॥२॥
१५
१. सगराहं ( क ) |
२. हत्थमत्तं ( क ) 1
३. जहा ( क )
।
४. ४ ( क ) 1
५. निप्पज्जइ (पु) 1
६. उवरिल्ले ( क ) ।
७. हिट्ठिल्ले ( क, ख, ग ) ।
८. समए ( क ) । सर्वत्र ।
६. समए भवइ ( ख, ग ) ; स समयः किं भवतीति
Jain Education International
शेष: ( है ) 1
१०. तो इणमट्ठे समट्ठे ( क )
११. नो इणमट्ठे समट्ठे ( क ) |
१२. विसंघाडिज्जइ ( क ) |
१३. तत्तो ( क ) ।
१४. पवुच्चइ ( ख, ग ) ।
१५. सत्तहत्तरीए ( ख, ग ) |
२६. ति आहिते ( ख, ग ) ।
For Private & Personal Use Only
www.jainelibrary.org
