Page Text
________________
अणुओगदारा
३०७
१०३. से किं तं ठवणाणुपुदी ? ठवणाणुपुथ्वी-जण्णं कटुकम्मे वा चित्तकम्मे वा पोत्थकम्मे वा लेप्पकम्मे वा गंथिमे वा वेढिमे वा पुरिमे वा संघाइमे वा अक्खे वा वराडए वा एगो वा अणेगा वा सम्भावठवणाए वा असम्भावठवणाए वा आणुपुव्वी त्तिठवणा ठविज्जइ । से तं ठवणाणुपुब्वी ।
१०४. नाम वाण को पइविसेसो ? नामं आवकहियं ठवणा इत्तरिया वा होज्जा आवकहिया वा° ।
goat-प
१०५. "से किं तं दव्वाणुपुब्बी ? दव्वाणुपुब्वी दुविहा पण्णत्ता, तं जहा ---आगमओ य नोआगमओ य ||
१०६. से किं तं आगमओ दव्वाणुपुथ्वी ? आगमओ दव्वाणुपुव्वी जस्स णं आणुपुब्वी त्ति पदं सिक्खियं ठियं जियं मियं परिजियं नामसमं घोससमं अहीणक्खरं अणच्चक्खरं अव्वा इद्धक्खरं अक्खलियं अमिलियं अवच्चामेलियं पडिपुण्णं पुडिपुण्णघोसं कंठो विप्पक्कं गुरुवायणोवगयं, से णं तत्थ वायणाए पुच्छणाएं परियट्टणाए धम्मका ए, नो अणुप्पेहाए । कम्हा ? अणुवओगो दव्वमिति कट्टु | १०७. नेगमस्स एगो अणुवउत्तो आगमओ एगा दव्वाणुपुब्वी, दोण्णि अणुवउत्ता आगममो दोणीओ दावीओ, तिष्णि अणुवउता आगमओ तिष्णीओ दव्वाणुपुब्वीओ, एवं जावइया अणुवत्ता तावइयाओ ताओ नेगमस्स आगम ओ दव्वाणुपुथ्वीभो । एवमेव ववहारस्स वि । संगहस्स एगो वा अणेगा वा अणुवउत्तो वा अणुवत्ता वा आगमओ दव्याणुपुब्वी वा दव्वाणुपुब्वीओ वा, सा एगा दव्वाणुपुब्वी । उज्जुसुयस्स एगो अणुवती आगमओ एगा दव्वाणुपुथ्वी, पुहत्तं नेच्छइ । तिण्हं सद्दनयाणं जाणए अणुवउत्ते अवत्थू । कम्हा ? जइ जाणए अणुवउत्ते न भवइ । सेतं आगम दवावी ॥
१०८. से किं तं नोआगमओ दव्वाणुपुव्वी ? नोआगमओ दव्वाणुपुन्वी तिविहा पण्णत्ता, तं जहा - जाणगसरीरदव्वाणपुब्बी भवियसरीरदव्वाणुपुव्वी जाणगसरीर भवियसरीर वतिरित्ता दव्वाणुपुब्वी ॥
१०६. से किं तं जाणगसरीरदव्वाणुपुव्वी ? जाणगसरीरदव्वाणुपुब्वी- आणुपुब्वोत्ति पयत्थाहिगार जाणगस्स जं सरीरयं ववगय-चुय चाविय चत्तदेहं जीवविप्पजढं सेज्जागयं वा संथारगयं वा निसीहियागयं वा सिद्धसिलातलगयं वा पासित्ता गं कोइ वएज्जा - अहो णं इमेणं सरीरसमुस्सएणं जिणदिट्ठेणं भावेणं आणुपुब्वी ति पयं आघवियं पण्णवियं परूवियं दंसियं निदसिय उवदंसियं । जहा को दितो ? कुंभे आसी, अयं घयकुंभे आसी । से तं जाणगसरीरदव्वाणुपुव्वी ॥ ११०. से किं तं भवियसरीरदव्वाणुपुण्वी ? भवियसरीरदव्वाणुपुब्वी -- जे जीवे जोणिजम्मण
१. सं० १० - दव्वाणुपुवी जाव से कि तं ।
Jain Education International
For Private & Personal Use Only
www.jainelibrary.org
| SR No. | 003584 |
| Book Title | Agam 32 Chulika 02 Anuyogdwar Sutra Anuogdaraim Terapanth |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 2000 |
| Total Pages | 135 |
| Language | Prakrit |
| Classification | Book_Devnagari, Agam, Canon, & agam_anuyogdwar |
| File Size | 4 MB |