Page Text
________________
अणुओगदाराई सिक्खियं ठियं जियं मियं परिजियं नामसमं घोससमं अहीणक्खरं अणच्चक्खरं अव्वाइद्धक्खरं अक्खलियं अमिलियं अवच्चामेलियं पडिपुण्णं पडिपूण्णघोसं कंठोविप्पमुक्कं गुरुवायणोवगयं, से णं तत्थ वायणाए पुच्छणाए परियट्टणाए
धम्मकहाए, नो अणुप्पेहाए । कम्हा ? अणुवओगो दव्वमिति कट्ट । ५६४. नेगमस्स एगो अणुव उत्तो आगमओ एगा दव्वसंखा, दोण्णि अणवउत्ता आगमओ
दोण्णीओ दश्वसंखाओ, तिण्णि अणुवउत्ता आगमओ तिण्णीओ दव्वसंखाओ, एवं जावइया अणुवउत्ता तावइयाओ ताओ नेगमस्स आगमओ दव्वसंखाओ। एवमेव ववहारस्स वि । संगहस्स एगो वा अणेगा वा अणुवउत्तो वा अणुवउत्ता वा आगमओ दव्वसंखा वा दव्वसंखाओ वा सा एगा दव्वसंखा। उज्जुसुयस्स एगो अणुवउत्तो आगमओ एगा दव्वसंखा, पुहत्तं नेच्छइ । तिण्ह सद्दनयाणं जाणए अणु व उत्ते
अवत्थू । कम्हा ? जइ जाणए अणुवउत्ते न भवइ । से तं आगमओ दव्वसंखा ।। ५६५. से किं तं नोआगमओ दव्वसंखा ? नोआगमओ दव्वसंखा तिविहा पण्णता, तं
जहा-जाणगसरीरदब्वसंखा भवियसरीरदव्वसंखा जाणगसरीर-भवियसरीर
वतिरित्ता दन्वसंखा। ५६६. से कि तं जाणगसरीरदव्वसंखा? जाणगसरीरदव्वसंखा--संखा ति पयत्थाहिगार
जाणगस्स जं सरीरयं ववगय-चय-चाविय-चत्तदेहं जीवविप्पजढं सेज्जागयं वा संथारगयं वा निसीहियागयं वा सिद्धसिलातलगयं वा पासित्ता णं कोइ वएज्जा-- अहो णं इमेणं सरीरसमस्सएणं जिणदिठेणं भावेणं संखा ति पयं आपवियं पण्णवियं परूवियं दंसियं निदंसियं उवदंसियं । जहा को दिळंतो? अयं महुकुंभे आसी,
अयं घयकुंभे आसी । से तं जाणगसरीरदव्वसंखा ।। ५६७. से किं तं भवियसरीरदव्वसंखा ? भवियसरीरदब्वसंखा-जे जीवे जोणिजम्मण नि
क्खंते इमेणं चेव आदत्तएणं सरीरसमुस्सरणं जिणदिठेणं भावेणं संखा ति पयं सेयकाले सिक्खिस्सइ, न ताव सिक्खइ । जहा को दिळंतो? अयं महुकुभे भविस्सइ,
अयं घयकुंभे भविस्सइ । से तं भवियसरीरदव्वसंखा ॥ ५६८. से किं तं जाणगसरीर-भवियसरीर-वतिरित्ता' दम्बसंखा' ? जाणगसरीर-भविय
सरीर-वतिरित्ता दव्वसंखा तिविहा' पण्णत्ता, तं जहा---एगभविए बद्धाउए अभिमहनामगोत्ते य। एगभविए णं भंते! एगभविए त्ति कालओ केवच्चिरं होइ ? जहण्णणं अंतोमुहुत्तं, उक्कोसेणं पुवकोडी। बद्धाउए णं भंते! बद्धाउए त्ति कालओ केवच्चिरं होइ ? जहण्णेणं अंतोमहत्तं, उक्कोसेणं पुवकोडी -तिभागं ।
१. वतिरित्ते (हा, हे)। २. संखे (हा, हे)। ३. तिविहे (हा, हे)।
४. पण्णस (हा, हे)। ५. अभिमुहनामगोए (क) सर्वत्र । ६. पुम्बकोडीए (क)।
Jain Education International
For Private & Personal Use Only
www.jainelibrary.org
| SR No. | 003584 |
| Book Title | Agam 32 Chulika 02 Anuyogdwar Sutra Anuogdaraim Terapanth |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 2000 |
| Total Pages | 135 |
| Language | Prakrit |
| Classification | Book_Devnagari, Agam, Canon, & agam_anuyogdwar |
| File Size | 4 MB |