________________
तेविसइमं अज्झयणं केसिगोयमिज्ज
१. जिणे पासे त्ति नामेण 'अरहा लोगपूइओ । ___ संबुद्धप्पा य सचण्ण धम्मतित्थयरे जिणे" ।। २. तस्स लोगपईवस्स आसि सीसे महायसे । __केसीकुमारसमणे विज्जाचरणपारगे ॥ ३. ओहिनाणसुए बुद्धे सीससंघसमाउले । ___ गामाणुगामं रीयंते सावत्थि नगरिमागए ।। ४. तिदुयं नाम उज्जाणं तम्मी नगरमंडले । __फासुए सिज्जसंथारे तत्थ वासमुवागए ॥ ५. अह तेणेव कालेणं धम्मतित्थयरे जिणे ।
भगवं वद्धमाणो ति सव्वलोगम्मि विस्सुए । ६. तस्स लोगपईवस्स आसि सीसे महायसे' ।
भगवं गोयमे नामं विज्जाचरणपारगे ॥ ७. बारसंगविऊ बुद्धे सीससंघसमाउले । __गामाणुगामं रीयते से वि सावत्थिमागए । ८. कोडगं नाम उज्जाणं तम्मी नयरमंडले ।
फासुए सिज्जसंथारे तत्थ वासभुवागए । ६. केसीकुमारसमणे गोयमे य महायसे ।
उभओ वि तत्थ विहरिसु अल्लीणा' सुसमाहिया ।। १०. उभओ सीससंघाणं संजयाणं तवस्सिणं ।
__तत्थ चिंता समुप्पन्ना गुणवंताण ताइणं ।।
....... अरिहा लोगविस्सुए । २. महिड्ढिए (अ) । सम्वन्नू सव्वदंस्सी प धम्मतित्थस्स देसए । ३. अलीणा (बृपा)। (बृपा)।
१७०
Jain Education International
For Private & Personal Use Only
www.jainelibrary.org
