________________
पनरसमं अज्झयणं
सभिक्खुयं
१. मोणं चरिस्सामि' समिच्च धम्मं सहिए उज्जुकडे नियाणछिन्ने । ___ संथवं जहिज्ज अकामकामे अण्णायएसी परिव्वए जे स भिक्खू ।। २. राओवरयं' चरेज्ज लाढे विरए वेयवियायरक्खिए ।
पण्णे अभिभय सव्वदंसी जे कम्हिचि'न भूच्छिए स भिक्खू ।। ३. अक्कोसवहं विइत्तु धीरे मुणी चरे लाढे निच्चमायगुत्ते ।
अव्वग्गमणे असंपहिछे जे कसिणं अहियासए स भिक्खू ।। ४. पंतं सयणासणं भइत्ता सीउण्हं विविहं च दंसमसग । ___ अव्वग्गमणे असंपहिछे जे कसिणं अहियासए स भिक्खू ।। ५. नो सक्कियमिच्छई न पूयं नो वि य वंदणगं कुओ पसंसं ।
से संजए सुन्वए तवस्सी सहिए आयगवेसए स भिक्खू ।। ६. जेण पुण जहाइ जीवियं मोहं वा कसिणं नियच्छई ।
नरनारि पजहे सया तवस्सी न य कोऊहल उवेइ स भिक्खू।। ७. छिन्नं सरं भोमं अंतलिक्खं सुमिणं लक्खणदंडवत्थुविज्जं । ____ अंगवियारं सरस्स विजयं जो विज्जाहिं न जीवइ स भिक्खू ॥ ८. मंतं मूलं विविहं वेज्जचितं वमणविरेयणधूमणेत्तसिणाणं । ___आउरे सरणं 'तिगिच्छियं च तं परिण्णाय परिव्वए स भिक्खू । ६. खत्तियगणउग्गरायपुत्ता माहणभोइय विविहा 'य सिप्पिणो ।
नो तेसि वयइ' सिलोगपूयं तं परिण्णाय परिव्वएस भिक्खू । १०. गिहिणो जे पव्वइएण दिट्ठा अप्पन्वइएण व संथुया हविज्जा ।
तेसि इहलोइयफलट्ठा जो संथवं न करेइ स भिक्खू ॥
१. चरिस्सामो (बु, चू)। २. रागोवरयं (बु); रातोवरयं (बृपा)। ३. कम्हि वि (अ, उ, ऋ) । ४. जे (चू)।
५. तिगच्छयत्थं तं (चू)। ६. सिप्पिण्णोऽणे (बृपा)। ७. करेइ (चू)। ८. इहलोगफलढाए (अ, आ, इ, चू) ।
Jain Education International
For Private & Personal Use Only
www.jainelibrary.org
