________________
चउदसमं अज्झयणं (उसुयारिज्ज) ४०. मरिहिसि राय ! जया तया वा मगोरमे कामगुणे पहाय' ।
एक्को हु धम्मो नरदेव ! ताणं न विज्जई अन्नमिहेह किंचि ।। ४१. नाहं रमे पक्खिणि पंजरे वा संताणछिन्ना चरिस्सामि मोणं ।
अकिंचणा उज्जुकडा निरामिसा परिग्गहारंभनियत्तदोसा ॥ ४२. दवरिगणा जहा रण्णे डज्झमाणेसु जंतुसु । अन्ने सत्ता पमोयंति रागद्दोसवसं
गया ।। ४३. एवमेव वयं मूढा कामभोगेसु मुच्छिया ।
डज्झमाणं न बुज्झामो रागद्दोसग्गिणा जगं ।। ४४. भोगे भोच्चा वमित्ता य लहुभूय विहारिणो ।
आमोयमाणा गच्छति दिया कामकमा इव ।। ४५. इमे य बद्धा' फंदंति मम हत्थऽज्जमागया ।
वयं च सत्ता कामेसु भविस्सामो जहा इमे ।। ४६. सामिस कुललं दिस्स बज्भमाणं निरामिसं ।
आमिस सव्वमुज्झित्ता विहरिस्सामि निरामिसा ।। ४७. गिद्धायमे उ नच्चाणं कामे ससारवड्ढणे ।
उरगो सुवण्णपासे व संकमाणो तणुं चरे ।। ४८. नागो व बंधणं छित्ता अप्पणा वसहि वए ।
एयं पत्थं महारायं ! उसुयारि त्ति मे सुयं ।। ४६. चइत्ता विउलं रज्ज' कामभोगे य दुच्चए ।
निव्विसया निरामिसा निन्नेहा निप्परिग्गहा ।। ५०. सम्म धम्म वियाणित्ता चेच्चा कामगुणे वरे ।
तवं पगिज्झऽहक्खायं घोरं घोरपरक्कमा । ५१. एवं ते कमसो बुद्धा सव्वे धम्मपरायणा । जम्ममच्चुभउद्विग्गा
दुक्खस्संतगवेसिणो ५२. सासणे विगयमोहाणं पुवि भावणभाविया । अचिरेणेव
कालेण दुक्खस्संतमुवागया ५३. राया सह देवीए माहणो य पुरोहिओ। माहणी दारगा चेव सव्वे ते परिनिव्वुड ।।
-त्ति बेमि॥ १. जहाय (पू)।
६. अहकाम (चूपा)। २. एवमेवं (ब)।
७. परंपरा (बृपा)। ३. लद्धा (चू)।
८. दुक्खस्सतरगवेसगा (चू)। ४. सुवण्णपासिव्वा (अ); सुवण्णपासेम्ब ६. परिनिव्वुडि (अ); परिनिव्वुडु (ऋ); (उ, चू, सु); सुवण्णपासित्ता (ऋ)।
परिनिव्वुए (चू)। ५. रळं (बृ, चू); रज्जं (बृपा)।
Jain Education International
For Private & Personal Use Only
www.jainelibrary.org
