________________
चउदसमं अज्झयणं
उसुयारिज्जं
१. देवा भवित्ताण पुरे भवम्मी केई चुया एगविमाणवासी। ___ पुरे पुराणे उसुयारनामे खाए समिद्धे सुरलोगरम्मे ॥ २. सकम्मसेसेण पुराकएणं कुलेसु दग्गेसु' य ते पसूया । ___ निविष्णसंसारभया जहाय जिणिंदमग्गं सरणं पवन्ना ।। ३. पुमत्तमागम्म कुमार दो वी पुरोहिओ तस्स जसा य पत्ती । __विसालकित्ती य तहोसुयारो रायस्थ देवी कमलावई य ।। ४. जाईजरामच्चुभयाभिभूया' बहिविहाराभिनिविट्ठचित्ता । ___संसारचक्कस्स विमोक्खणट्ठा दळूण ते कामगुणे विरत्ता ।। ५. पियपुत्तगा दोन्नि वि माहणस्स सकम्मसीलस्स पुरोहियस्स ।
सरित्तु पोराणिय तत्थ जाई तहा सुचिण्णं तवसंजमं च ।। ६. ते कामभोगेसु असज्जमाणा माणुस्सएसुं जे यावि दिव्वा ।
मोक्खाभिकंखी अभिजायसड्ढा तार्य उवागम्म इमं उदाहु ।। ७. असासयं दठ्ठ इमं विहारं बहुअंतरायं न य दीहमाउं । __ तम्हा गिहंसि न रई लहामो आमंतयामो चरिस्सामु मोणं ।। ८. अह तायगो तत्थ मुणीण तेसि तवस्स वाघायकरं वयासी।
इमं क्यं वेयविओ वयंति जहा न होई असुयाण लोगो।। ६. अहिज्ज वेए परिविस्स विप्पे पुत्ते पडिट्ठप्प' गिहंसि जाया ! ।
भोच्चाण भोए सह इत्थियाहिं 'आरण्णगा होह मुणी पसत्था" ।। १०. सोयरिंगणा आयगुणिघणेणं मोहाणिला पज्जलणाहिएणं ।
संतत्तभावं . परितप्पमाणं लोलुप्पमाणं बहुहा बहुं च ।। १. उग्गेसु (उ); दत्तेसु (ब, चू) ।
३. परिटुप्प (बृपा)। २. भयाभिभूए (बृपा)।
४. पच्छा वणप्पवेग पसत्थं (चू)।
१३२
Jain Education International
For Private & Personal Use Only
www.jainelibrary.org
