________________
39
तेरसमं अज्झयणं (चित्तसम्भूइज्जं) २४. चेच्चा दुपयं च चउप्पयं च खेत्तं गिहं धणघन्नं च सव्वं ।
कम्मप्पबीओ' अवसो पयाइ परं भवं सुंदर पावगं वा ॥ २५. तं इक्कगं तुच्छसरीरगं से चिईगयं डहिय उ पावगेणं ।
भज्जा य पुत्ता' वि य नायओ य दायारमन्नं अणुसंकमंति ॥ २६. उवणिज्जई जीवियमप्पमायं वण्णं जरा हरइ नरस्स रायं ! ।
पंचालराया ! वयणं सुणाहि मा कासि कम्माई महालयाई॥ २७. अहं पि जाणामि 'जहेह साहू"! जं मे तुम साहसि वक्कमेयं ।
भोगा इमे संगकरा हवंति 'जे दुज्जया" अज्जो! अम्हारिसेहिं ।। २८. हथिणपुरम्मि चित्ता: दठ्ठणं नरवई महिड्ढियं । कामभोगेसु गिद्धेणं नियाणमसुहं
कडं । २६. तस्स मे अपडिकंतस्स इमं एयारिसं फलं । ____जाणमाणो वि जं धम्म कामभोगेसु मुच्छिओ ।। ३०. नागो जहा पंकजलावसन्नो दर्छ थलं नाभिसमेइ तीरं ।
एवं वयं कामगुणेसु गिद्धा न भिक्खुणो मग्गमणुव्वयामो।। ३१. अच्चेइ कालो तुरंति राइओ न यावि भोगा पुरिसाण निच्चा ।
उविच्च भोगा पुरिसं चयंति' दुर्म जहा खीणफलं व पक्खी॥ ३२. 'जइ ता सि भोगे चइउं असत्तो अज्जाई कम्माई करेहि रायं ! ।
धम्मे ठिओ सव्वपयाणुकंपी तो होहिसि देवो इओ विउव्वी॥ ३३. न तुज्झ भोगे चइऊण बुद्धी गिद्धो सि आरंभपरिग्गहेसु ।
मोहं कओ एत्तिउ विप्पलावो गच्छामि रायं ! आमंतिओ सि ॥ ३४. पंचालराया वि य बंभदत्तो साहुस्स तस्स' वयणं अकाउं । ___अणुतरे. भुजिय कामभोगे अणुत्तरे सो नरए पविट्ठो॥ ३५. चित्तो वि कामेहि विरत्तकामो उदग्गचारित्ततवो महेसी । अणुत्तरं संजम. पाल इत्ता अणुत्तरं सिद्धिगई गओ॥
-त्ति बेमि ।।
१. सकम्मप्पबीओ (उ); सकम्मबीओ (ऋ);
कम्मपबिइओ (अ)। २. पुत्तो (ब)। ३. जो एत्थ सारो (बृपा, चू)। ४. अस्सिविधा (चू)।
५. जहंति (चू) । ६. जइ तंसि (उ, ऋ, बृपा); जईऽसि (चू) । ७. तस्सा (अ, आ, इ, स)। ८. उदत्त (सु, दू, चू)।
Jain Education International
For Private & Personal Use Only
www.jainelibrary.org
