________________
उत्तरझियणाणि
२४. एवं सिक्खा-समावन्ने गिहवासे वि सुव्वए ।
मुच्चई छवि-पव्वाओ गच्छे जक्ख-सलोगयं ।। २५. अह जे संवुडे भिक्ख दोण्हं अन्नयरे सिया ।
सव्वदुक्खप्पहीणे वा देवे वावि महडिढए ।। २६. उत्तराई विमोहाई जुइमंताणुपुव्वसो ।
समाइण्णाइं जखेहिं आवासाइं जसंसिणो ।। २७. दीहाउया इढिमंता समिद्धा कामरूविणो ।
अहुणोववन्न-संकासा भुज्जो अच्चिमालिप्पभा ।। २८. ताणि ठाणाणि गच्छंति सिक्खित्ता संजमं तवं ।
भिक्खाए वा गिहत्थे वा जे संति परिनिव्वुडा ।। २६. तेसि सोच्चा सपुज्जाणं' संजयाण वसीमओ ।
न संतसंति मरणंते सीलवंता बहुस्सुया ।। ३०. तुलिया विसे समादाय दयाधम्मस्स खंतिए ।
विप्पसीएज्ज मेहावी तहाभूएण अप्पणा ।। ३१. तओ काले अभिप्पेए सड्ढी तालिसमंतिए ।
विणएज्ज लोमहरिसं भेयं देहस्स कंखए ।। ३२. अह कालंमि संपत्ते 'आघायाय समुस्सयं" । सकाममरणं मरई तिण्हमन्नयरं मुणी ।।
–त्ति बेमि ।।
१. गिहिवासे (उ)! २. एगयरे (चू)। ३. सुपुज्जाणं (चू)!
४. सुत्तक्खात समाहितो (च); आघायाए
समुस्सयं (चूपा)।
Jain Education International
For Private & Personal Use Only
www.jainelibrary.org
