________________
चउत्थं अज्झयणं (असंखयं) ८. छंदं निरोहेण उवेइ मोक्खं आसे जहा सिक्खियवम्मधारी ।
'पुवाई वासाई" चरप्पमत्तो तम्हा. मुणी खिप्पमुवेइ मोक्खं ।। ६. स पुत्वमेव न लभेज्ज पच्छा एसोवमा सासयवाइयाणं ।
विसीयई सिढिले आउयंमि' कालोवणीए सरीरस्स भए । १०. खिप्पं न सक्केइ विवेगमेउं तम्हा समुट्ठाय पहाय' कामे ।
समिच्च लोयं समया महेसी अप्पाणरक्खी चरमप्पमत्तो। ११. मुहु मुह मोह-गुणे जयंतं अणेगरूवा समणं चरंतं ।
फासा फुसंती असमंजसं च न तेसु भिक्खू मणसा पउस्से । १२. 'मंदाय फासा बहुलोहणिज्जा'' तहप्पगारेसु मणं न कुज्जा।
रक्खेज्ज कोहं विणएज माणं मायं न सेवे पयहेज्ज लोहं । १३. जे संखया तुच्छ परप्पवाई ते पिज्ज-दोसाणुगया परज्झा । एए 'अहम्मे' ति दुगुंछमाणो कंखे गणे जाव सरीरभेओ।
-त्ति बेमि ॥
१. पुवाणि वासाणि (चू)। २. पुवमेवा (चू); पुन्वमेवं (चूपा)। ३. आउंमि (उ)।
४. पयहाहि (चू): ५. व चरप्पमत्तो (ऋ); चरऽपमत्तो (उ)। ६. मंदाउ तहा हियस्स बहुलोभणेज्जा (चूपा)।
Jain Education International
For Private & Personal Use Only
www.jainelibrary.org
