________________
छबीसइमं अज्झयणं
सामायारी
सामायारी-पर्व १. सामायारि पवक्खामि सव्व दुक्खविमोक्खणि ।
___ जं चरित्ताण निग्गंथा तिण्णा संसारसागरं ॥ २. पढमा आवस्सिया नाम बिइया य' निसीहिया ।
आपुच्छणा य तइया उत्थी पडिपुच्छणा ।। ३. पंचमा छंदणा नाम इच्छाकारो य छ?ओ। ___ सत्तमो मिच्छकारो य तहक्कारो य अट्ठमो ।। ४. अब्भुट्ठाणं नवमं, दसमा उवसंपदा ।
एसा दसंगा साहूणं सामायारी पवेइया ।। ५. गमणे आवस्सियं कुज्जा ठाणे कुज्जा निसीहियं ।
आपुच्छणा सयंकरणे परकरणे पडिपुच्छणा ॥ ६. छंदणा दव्वजाएणं इच्छाकारो य सारणे ।
मिच्छाकारो य निदाए तहक्कारो य' पडिस्सुए । ७. अब्भट्ठाणं गुरुपूया अच्छणे उवसंपदा ।
'एवं दुपंचसंजुत्ता" सामायारी पवेइया । चरिया-पवं ८. पुग्विल्लंमि चउब्भाए आइच्चमि समुट्ठिए ।
भंडयं पडिलेहित्ता वंदित्ता य तओ गरु॥ ६. पुच्छेज्जा पंजलिउडो कि कायव्वं मए इहं ? ।
इच्छं निओडउं भंते ! वेयावच्चे व सज्झाए । १०. वेयावच्चे निउत्तेणं कायव्वं अगिलायो ।
सज्झाए वा निउत्तेणं सम्बदुक्ख विमोक्खणे ॥ दिवसच्चरिया-पदं ११. दिवसस्स चउरो भागे कुज्जा भिक्खू वियक्खणो ।
तओ उत्तरगुणे कुज्जा दिणभागेसु चउसु वि ॥ १. होइ (उ)।
३. X (उ)। २. उ (आ, इ)।
४. एसा दसंगा साहूणं (बृपा)।
१८४
Jain Education International
For Private & Personal Use Only
www.jainelibrary.org
