________________ परिसिझें सिक्खा दुविहा गाहा उववायठिई गई कसाया य / बंधता वेयंता पडिवज्जाइक्कमे पंच // 1 // सामाइअंमि उ कए समणो इव सावओ हवइ जम्हा / एएण कारणेणं बहुसो सामाइयं कुज्जा // 2 // सव्वंति भाणिऊणं विरई खलु जस्स सव्विया नत्थि / सो सव्वविर इवाई चुक्कइ देसं च सव्वं च / / 3 / / सामाइयस्स समणोवासएणं इमे पंच अइयारा जाणियन्वा, तं जहा—मणदुप्पणिहाणे वइदुप्पणिहाणे कायदुप्पणिहाणे, सामाइयस्स सइअकरणया, सामाइयस्स अणवट्ठियस्स करणया। देसावगासियन्वय-सुत्तं दिसिव्वयगहियस्स दिसापरिमाणस्स पइदिणं परिमाणकरणं देसावगासियं / देसावगासियस्स समगोवासएणं इमे पंच अइयारा जाणियव्वा, तं जहा-आणवणप्पओगे पेसवणप्पओगे सद्दाणुवाए रूवाणुवाए, बहिया पुग्गलपक्खेवे। पोसहोदवास-सुत्तं पोसहोववासे चउम्विहे पण्णत्ते, तं जहा -आहारपोसहे सरीरसक्कारपोसहे बंभचेरपोसहे अव्वावारपोसहे। पोसहोववासस्स समणोवासएणं इमे पंच अइयारा जाणियव्वा, तं जहा--अप्पडिलेहिय-दुप्पडिलेहिय-सिज्जासंथारए अप्पमज्जिय-दुप्पमज्जिय-सिज्जासंथारए अप्पडिलेहिय-दुप्पडिले हिय-उच्चारपासवणभूमीओ अप्पमज्जिय-दुप्पमज्जिय-उच्चारपासवणभूमीओ पोसहोववासस्स सम्म अणणुपालणया। अतिहिसंविभाग-सुत्तं अतिहिसंविभागो नाम नायागयाणं कप्पणिज्जाणं अन्नपाणाईणं दवाणं देसकालसद्धासक्कारकमजअं पराए भत्तीए आयाणुग्गहबुद्धीए संजयाणं दाणं / अतिहिसंविभागस्त समणोवासएणं इमे पंच अइयारा जाणियन्वा, तं जहा--सच्चित्तनिक्खेवणया सच्चित्तपिहणया कालाइक्कमे परववएसे मच्छरिया य / उवसंहार-सुत्तं इत्थं पुण समणोवासगधम्मे पंचाणुव्वयाई तिन्नि गुणव्वयाई आवकहियाई, चत्तारि सिक्खावयाई इत्तरियाई। एयस्स पुणो समणोवासगधम्मस्स मूलवत्थु सम्मत्तं, तं जहा.--तं निसग्गेण वा अभिगमेण वा पंच अइयारविसुद्धं अणुव्वय-गुणव्वयाई च अभिग्गा अन्नेवि पडिमादओ विसेसकरणजोगा। संलेहणा-सुत्तं अपच्छिमा मारणंतिया संलेहणाभूसणाराहणया / इमीसे समणोवासएणं इमे पंच अइयारा जाणियव्वा, तं जहा-इहलोगासंसप्प ओगे परलोगासंसप्पओगे जीवियासंसप्पओगे मरणासंसप्पओगे कामभोगासंसप्पओगे। Jain Education International For Private & Personal Use Only www.jainelibrary.org
