Page Text
________________
७६१
पढमं अज्झयणं च्छित्ता जेणेव बाहिरिया उवट्ठाणसाला जाव' गयवई नरवई दुरूढे । अट्ट मंगलगा' जहा' कूणिए सेयवरचामरेहि 'उद्धब्वमाणेहि-उद्धव्वमाणेहि समुद्दविजयपामोक्खेहि दसहि दसारेहि जाव' सत्थवाहप्प भिईहिं सद्धि संपरिवुडे सव्विड्डीए जाव' दुंदुहि-णिग्बोसपाइयरवेणं नरि मज्झंमज्झणं निग्गच्छइ । सेसं जहा कृणिओ जाव पज्जुवासइ ॥
२०. तए णं तस्स निसढस्स कुमारस्स उप्पि पासायवरगयस्स तं महया जणसई च जहा जमालो जाव धम्म सोच्चा निसम्म वंदइ नमसइ, वंदित्ता नमंसित्ता एवं वयासो- . सदहामि गं भंते ! निग्गंथं पावयणं जहा चित्तो जाव" सावगधम्म पडिवज्जइ, पडिवज्जित्ता पडिगए।
२१. तेणं कालेणं तेणं सम एणं अरहओ अरिट्टनेमिस्स अंतेवासी वरदत्ते नामं अणगारे उराले जाव' विहरइ॥
२२. तए णं से वरदत्ते अणगारे निसद कुमारं पासइ, पासित्ता जायसड्ढे २ जावर पज्जुवासमाणे एवं वयासी अहो" णं भंते ! निसढे कुमारे इठे इट्ठरूवे कंते कंतरूवे 'पिए पियरूवे मणुण्ण मण्ण्णरूवे" मणामे मणामरूवे सोमे सोमरूवे पियदसणे सुरूवे ॥
२३. निसढेणं भंते ! कुमारेणं अयमेयारूवा मणयइड्डी किण्णा लद्धा? किण्णा पत्ता? पुच्छा जहा सूरियाभस्स ।। ___ २४. एवं खलु बरदत्ता ! तेणं कालेणं तेणं समएणं इहेव जंबुद्दीवे दीवे भारहे वासे रोहीडए" नामं नयरे होत्था --रिद्ध-स्थिमिय-समिद्धे। मेहवण्णे" उज्जाणे मणिदत्तस्स जक्खस्स जक्खाययणे" ॥
२५. तत्थ णं रोहीडए नयरे महब्बले नाम राया, पउमावई नामं देवी, अण्णया कयाइ तंसि तारिसगंसि सयणिज्जंसि सीहे सुमिणे, एवं जम्मणं भाणियव्वं जहा महाबलस्स, नवरं-वीरंगओ नाम बत्तीसओ दाओ, बत्तीसाए रायवरकण्णगाणं पाणि जाव उवगिज्जमाणे-उवगिज्जमाणे पाउस-बरिसारत्त-सरय-हेमंत-वसंत-गिम्ह-पव्वंसे छप्पि उऊ जहाविभवेणं 'भुंजमाणे-भुंजमाणे"२ कालं गालेमाणे इठे सद्द •-फरिस-रस-रूव-गंधे पंचविहे
१. ओ० सू०६३ ॥ २. अट्ठ (क)। ३. मंगला (ख)। ४. ओ० सू० ६४,६५ ! ५. अद्धुव्वमाणेहिं २ (क)। ६. उ० ५।१०। ७. ओ० सू० ६७ ! ६. ओ० ६८,६६। ६. भग० ६१५७-१६४ । १०. राय० सू० ६६५-६६७ । ११. ओ० सु० ८२ ! १२. जायसद्धे (क)।
१३. ओ० सू० ८३ १४. अहं (क); अहे (ख,ग) । १५. एवं पिए मणुण्णे (क,ख) 1 १६. राय० सू० ६६७ ॥ १७. रोहेडए (क,ख)। १८. मेघवणे (क)। १६. जक्खाययणे होत्था (क) । २०. भग० ११११३३-१६१ । २१. सरित (क); सरत (ख) । २२. माणे माणे (क,ख,ग)। २३. x (क,ख)। २४. सं० पा०—सद्द जाव विहरइ ।
Jain Education International
For Private & Personal Use Only
www.jainelibrary.org
| SR No. | 003579 |
| Book Title | Agam 23 Upang 12 Vrashnidasha Sutra Vanhidasao Terapanth |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 394 |
| Language | Prakrit |
| Classification | Book_Devnagari, Agam, Canon, & agam_vrushnidasha |
| File Size | 7 MB |