________________
७५०
वण्हिदसाओ
१२. तस्स णं बलदेवस्स रण्णो रेवई नामं देवो होत्या -सूमालपाणिपाया जाव' विहरइ॥
१३. तए णं सा रेवई देवो अण्णया कयाइ तंसि तारिसगंसि सयणिज्जंसि जाव सीहं सुमिणे पासित्ता णं पुडिबुद्धा। एवं सुमिणदंसणपरिकहणं, कलाओ जहा महाबलस्स, पण्णासओ दाओ, पण्णासं रायवर कण्णगाणं एगदिवसेणं पाणिग्गहणं, नवरं निसढे नामं जाव' उप्पि पासाए विहरइ ।।।
१४. तेणं कालेणं तेणं समएणं अरहा अरिटुनेमी आइगरे दस धणूई वण्णओ जाव' समोसरिए । परिसा निग्गया ॥
१५. तए णं से कण्हे वासुदेवे इमीसे कहाए लद्धठे समाणे हट्ठतुठे कोडंबियपुरिसं सद्दावेइ, सद्दावेत्ता एवं वयासी -खिप्पामेव भो देवाणुप्पिया ! सभाए सुहम्माए सामुदाणिय भेरि तालेहि ॥
१६. तए णं से कोडुंबियपुरिसे जाव' वयणं पडिसुणित्ता जेणेव सभाए सुहम्माए सामुदाणिया भेरी तेणेव उवागच्छइ, उवागच्छित्ता सामुदाणियं भेरि महया-महया सद्देणं तालेइ॥
१७. तए णं तीसे सामुदाणियाए भेरीए महया-महया सद्देणं तालियाए समाणीए समुद्दविजयपामोक्खा दस दसारा देवीओ भाणियवाओ जाव" अणंगसेणापामोक्खा अणेगा गणियासहस्सा, अण्णे य बहवे राईसर जाव सत्थवाहप्पभिइओ व्हाया 'कयबलिकम्मा कयकोउय-मंगल°-पायच्छित्ता सव्वालंकारविभूसिया जहाविभवइड्ढीसक्कारसमुदएणं अप्पेगइया हयगया जाव" पुरिसवग्गुरापरिक्खित्ता जेणेव कण्हे वासुदेवे तेणेव उवागच्छंति, उवागच्छित्ता करयल" *परिग्गहियं दसनहं सिरसावत्तं मत्थए अंजलि कट्ट् कण्हं वासुदेवं जएणं विजएणं वद्धावेंति ॥
१८. तए णं से कण्हे वासुदेवे कोडुबियपुरिसे एवं वयासी—खिप्पामेव भो देवाणुप्पिया! आभिसेक्कहत्थि कप्पेह, हय-गय-रह-पवर जोहकलियं चाउरंगिणि सेणं सण्णाहेह, ममं एयमाणत्तियं पच्चप्पिणह जाव पच्चप्पिणंति ।।
१६. तए णं से कण्हे वासुदेवे जेणेव मज्जणधरे" तेणेव उवागच्छइ जाव" पडिनिग्ग
१. ओ० सू०१५। २. पण्णासाए (क)। ३. भग० १२१३३-१६१ । ४. ना० शश१०। ५. समुदाइयं (क); समुदाणियं (ख) । ६. भेरियं (ख)। ७. ना० १२५११३ । ८. सामुदाइयं (क); सामुदाणियं (ख,ग)। है. पामोक्वाणं (क)।
१०. उ० ५।१०। ११. उ० ॥१०॥ १२. सं० पा०.....हाया जाव पायच्छित्ता। १३. ना० १२॥१५॥ १४. सं० पा०—करयल० । १५. अभिसेक्कं हस्थिरयणं (उ० ०१२३) । १६. सं० पा.-.-.पवर जाव पच्चप्पिणंति । १७. सं० पा०. ..मज्जणघरे जाव दुरुढे । १८. ओ० सू० ६३ ।
Jain Education International
For Private & Personal Use Only
www.jainelibrary.org
