Page Text
________________
७६४
पुफियाओ समणीओ निग्गंथीओ आति परिजाणेति, इयाणि नो आति नो परिजाणंति, तं सेयं खलु मे कल्लं पाउप्पभायाए रयणीए जाव' उट्ठियम्मि सूरे सहस्सरस्सिम्मि दिणयरे तेयसा जलते सम्बयाणं अजाणं अंतियाओ पडिनिक्खमित्ता पाडिएक्कं उवस्सयं उवसंपज्जित्ता णं विहरित्तए- एवं संपेहेइ, संपेहेत्ता कल्लं पाउप्पभायाए रयणीप जाव उट्टियम्मि सूरे सहस्सरस्सिम्मि दिणय रे तेयसा जलंते सुव्वयाणं अज्जाणं अंतियाओ पडिनिक्खमइ, पडिनिक्खमित्ता पाडिएक्कं उवस्सयं उवसंपज्जित्ता' णं विहरइ ।।
११६.तए णं सा सुभद्दा अज्जा अज्जाहिं अणोहट्टिया अणिवारिया सच्छंदमई बहुजणस्स चेडरूवेसु मुच्छिया 'गिद्धा गढिया अज्झोववण्णा अब्भंगणं च जाव नत्तिपिवास च पच्चणुभवमाणी विहरइ ।। सुभद्दाए बहुपुत्तियदेवित्ताए उववत्ति-पदं
१२०. तए णं सा सुभद्दा अज्जा पासत्था पासत्थविहारी 'ओसण्णा ओसण्णविहारी कुसीला कुसीलविहारी' संसत्ता संसत्तविहारी अहाछंदा अहाछंदविहारी बहूई वासाई सामण्णपरियागं पाउणइ, पाउणित्ता अद्धमासियाए संलेहणाए अत्ताणं झोसेत्ता, तोसं भत्ताई अणसाए छेदेत्ता, तस्स ठाणस्स अणालोइयपडिक्कंता' कालमासे कालं किच्चा सोहम्मे कप्पे बहुपुत्तियाविमाणे उववायसभाए देवसयणिज्जसि देवदूसंतरिया अंगुलस्स असंखेज्जइभागमेत्ताए' ओगाहणाए बहुपुत्तियदेवित्ताए उबवण्णा ॥
१२१ तए णं सा बहुपुत्तिया देवी अहुणोववण्णमेत्ता समाणी पंचविहाए पज्जत्तीए जाव भासमणपज्जत्तीए पज्जत्तभावं गया ।
१२२. एवं खलु गोयमा ! बहुपुत्तियाए देवीए सा दिव्वा देविड्डी' • दिव्वा देवजुती दिव्वे देवाणुभावे लद्धे पत्ते अभिसमण्णागए ।।
१२३. से केणठेणं भंते ! एवं वुच्चइ---बहुपुत्तिया देवी बहुपुत्तिया देवी ? गोयमा! बहपत्तिया णं देवी जाहे-जाहे सक्कस्स देविंदस्स देवरपणो उवत्थाणियं करेड ताहे-ताहे बहवे दारए य दारियाओ य डिभए य डिभियाओ य विउब्वइ, विउव्वित्ता जेणेव सक्के देविदे देवराया तेणेव उवागच्छइ, उवागच्छित्ता सक्कस्स देविंदस्स देवरण्णो दिव्वं देविड्वि दिव्वं देवज्जुइं दिव्वं देवाणुभाव उवदसेइ । से तेणठेणं गोयमा! एवं वुच्चइ - बहुपुत्तिया देवी बहुपुत्तिया देवी ।।
१२४. बहुपुत्तियाए णं भंते ! देवीए केवइयं कालं ठिई पण्णता ? गोयमा ! चत्तारि पलिओवमाइं ठिई पण्णता ॥
१. आढयति (क); आढ़ति (ख,ग)। २. ओ० सू० २२ । ३. जाइत्ता (ग)। ४. सं पा०.--मुच्छिया जाव अभंगण । ५. उ० ३३११४। ६. विहारिणी (क्व)।
७. एवं ओसण्णा कुसीला (क,ख,ग)। ८. 'अपडिक्कंता (क,ख,ग)। ६. मित्ताए (क,ख)। १०. उ०३८४ ११. सं० पा० ---देविड्ढी जाव अभिसमण्णागया। १२. उवस्थाणियाणं (क,ख,ग)।
Jain Education International
For Private & Personal Use Only
www.jainelibrary.org
| SR No. | 003577 |
| Book Title | Agam 21 Upang 10 Pushpika Sutra Puffiyao Terapanth |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 414 |
| Language | Prakrit |
| Classification | Book_Devnagari, Agam, Canon, & agam_pushpika |
| File Size | 8 MB |