________________
पुफियाओ १५. तए णं से चंदे जोइसिंदे जोइसराया अहुणोववण्णे समाणे पंचविहाए पज्जत्तीएआहारपज्जत्तीए' सरीरपज्जत्तीए इंदियपज्जत्तीए आण-पाणपज्जत्तीए भासमणपज्जत्तीए पज्जत्तभावं गए ॥
१६. चंदस्स णं भंते ! जोइसिंदस्स जोइसरण्णो केवइयं कालं ठिई पण्णत्ता ? गोयमा ! पलिओवमं वाससयसहस्समब्भहियं ।।।
१७. एवं खलु गोयमा ! चंदस्स जोइसिंदस्स जोइसरण्णो सा दिव्या देविड्डी ।।
१८. चंदे णं भंते ! जोइसिंदे जोइसराया ताओ देवलोगाओ आउक्खएणं भवक्खएणं ठिइक्खएणं चयं चइत्ता कहि गच्छिहिइ ? कहिं उववज्जिहिइ ? गोयमा ! महाविदेहे वासे सिज्झिहिइ ।।
१६. एवं खलु जंबू ! समणेणं भगवया महावीरेणं पुफियाणं पढमस्स अज्झयणस्स अयमठे पण्णत्ते
----त्ति बेमि ।।
बीअं अज्झयणं
२०. जइ णं भंते ! समणेणं भगवया महावीरेणं जाव संपत्तेणं पुप्फियाणं पढमस्स अज्झयणस्स अयमठे पण्णत्ते, दोच्चस्स गं भंते ! अज्झयणस्स पुफियाणं समणेणं भगवया महावीरेणं जाव' संपत्तेणं के अट्ठे पण्णत्ते ?
२१. एवं खलु जंबू ! तेणं कालेणं तेणं समएणं रायगिहे नाम नयरे । गुणसिलए चेइए। सेणिए राया। समोसरणं । जहा चंदो तहा सूरोवि आगओ जाव नट्टविहिं उवदासत्ता पडिगओ। पूव्वभवपूच्छा । सावत्थी नयरी | सुपइछे नाम गाहावई होत्थाअड्ढे जहेव अंगई जाव विहरइ। पासो समोसढो, जहा अंगई तहेव पब्वइए, तहेव विराहियसामण्णे जाव महाविदेहे वासे सिज्झिहिइ जाव' अंतं करेहिइ ।।
२२. एवं खलु जंबू ! समणेणं भगवया महावीरेणं पुप्फियाणं दोच्चस्स अज्झयणस्स अयमठे पण्णत्ते
----त्ति बेमि ॥
१. सं० पा० --आहारपज्जत्तीए जाब भासमण-
पज्जत्तीए। २.३. ना० २०७।
४. उ० ३१६-८ । ५. उ० ३१६-१८ ।
Jain Education International
For Private & Personal Use Only
www.jainelibrary.org
