________________
७४२
कप्पडिसियाओ
कालम्स कुमारस्स पुत्ते पउमावईए देवीए अत्तए, तं होउ णं अम्हं इमस्स दारगस्स नामधेज पउमे-पउमे । सेसं जहा महाबलस्स, अटुओ दाओ जाव उप्पिं पासायवरगए विहरइ। सामी समोसरिए । परिसा निग्गया। कूणिए निग्गए। पउमेवि जहा महाबले निग्गए तहेव । अम्मापिइआपुच्छणा जाव' पव्वइए, अणगारे जाए इरियासमिए जाव' गुत्तबंभयारी !!
१०. तए णं से पउमे अणगारे समणस्स भगवओ महावीरस्स तहारूवाणं थेराणं अंतिए सामाइयमाइयाई एक्कारस अंगाई अहिज्जइ, अहिज्जित्ता बहहिं चउत्थछद्रुम'- दसम-दुवालसेहिं मासद्धमासखमणे हि विचितेहिं तवोकम्मेहिं अप्पाणं भावेमाणे' विहरइ ।।
११. तए णं से पउमे अणगारे तेणं ओरालेणं जहा मेहो तहेव धम्मजागरिया चिंता एवं जहेव मेहो तहेव समणं भगवं महावीरं आपुच्छित्ता विउले जाव' पाओवगए [कालं अणवकखमाणे विहरइ ? ]in
१२. तए णं से पउमे अणगारे समणस्स भगवओ महावीरस्स तहारूवाणं थेराणं अंतिए सामाइयमाझ्याई एक्कारस अंगाई अहिज्जित्ता, बहुपडिपुष्णाइं पंच वासाइं सामण्णपरियागं पाउणित्ता, मासियाए संलेहणाए अप्पाणं झोसेत्ता, सट्टि भत्ताइं अणसणाए छेदित्ता आणपुवीए कालगए। थेरा ओइण्णा। भगवं गोयमे पुच्छइ, सामी कहेइ जाव' सर्टि भत्ताइं अणसणाए छेदित्ता आलोइय-पडिक्कते उड्ढे चंदिम-सूर-गहगण-नक्खत्त-तारारूवाणं सोहम्मे कप्पे देवत्ताए उववण्णे । दो सागराई ठिई ॥
१३ से ण भंते ! पउमे देवे ताओ देवलोगाओ आउखएणं पुच्छा ? गोयमा ! महाविदेहे वासे जहा दढपइण्णा जाव' अंतं काहिइ ।।
१४. तं एवं खलु जंबू ! समणेणं भगवया महावोरेणं जाव' संपत्तेणं कप्पडिसियाणं पढमस्स अज्झयणस्स अयमठे पण्णत्ते
__ .--त्ति बेमि ।।
१. भग० ११११५४-१६८। २. ओ० सू० २७ । ३. सं० पा०-छट्ठम जाव विहरइ । ४. ना० १३१०२०२-२०६ ।
५. ना० ११११२११। ६. ओ० सू० १४१-१५४ । ७. ना० १।१७।
Jain Education International
For Private & Personal Use Only
www.jainelibrary.org
