________________
बीओ वग्गो कम्पडिसियाओ पढमं अज्झयणं
पउमे
१. जइ णं भंते ! समणेणं भगवया महावीरेणं जाव संपत्तेणं उवंगाणं पढमस्स वग्गस्स निरयावलियाणं अयमठे पण्णत्ते, दोच्चस्स णं भंते ! वग्गस्स कप्पवडिसियाणं समणेणं भगवया महावीरेणं जाव' संपत्तेणं कइ अज्झयणा पण्णत्ता ?
२. एवं खलु जंबू ! समणेणं भगवया महावीरेणं जाव' संपत्तेणं कप्पवडिसियाणं दस अज्झयणा पण्णत्ता, तं जहा--
पउमे महापउमे, भद्दे सुभद्दे पउमभद्दे ।
पउमसेणे पउमगुम्मे, नलिणिगुम्मे आणंदे नंदणे ॥१॥ ३. जइ णं भंते ! समणेणं भगवया महावीरेणं जाव' संपत्तेणं कप्पवडिंसियाणं दस अज्झयणा पण्णत्ता, पढमस्स णं भंते ! अज्झयणस्स कप्पवडिंसियाण समणेणं भगवया महावीरेणं जाव' संपत्तेणं के अछे पण्णत्ते ?
४. एवं खलु जंबू ! तेणं कालेणं तेणं समएणं चंपा नाम नयरी होत्था। पुण्णभद्दे चेइए। कूणिए राया । पउमावई देवी ॥
५. तत्थ णं चंपाए नयरीए सेणियस्स रण्णो भज्जा कूणियस्स रण्णो चुल्लमाउया काली नामं देवी होत्था - सूमाला ॥
६. तीसे णं कालीए देवीए पुत्ते काले नाम कुमारे होत्था--सूमाले ।।
७. तस्स णं कालस्स कुमारस्स पउमावई नाम देवी होत्था-सूमालपाणिपाया जाव विहरइ॥
८. तए णं सा पउमावई देवी अण्णया कयाई तंसि तारिसगंसि वासघरंसि अभिंतरओ सचित्तकम्मे जाव सोहं सूमिणे पासित्ताणं पडिबुद्धा ।।
___६. एवं जम्मणं जहा महाबलस्स जाव' नामधेज-जम्हा णं अम्हें इमे दारए १,२,३,४,५. ना० १६१७ ।
८. महब्बलस्स (क)। ६. ओ० सू० १५।
६. भग० ११११३३-१५३ । ७. भग० ११११३३ ।
७४१
www.jainelibrary.org
Jain Education International
For Private & Personal Use Only
