Page Text
________________
७२८
निरयावलियाओ सद्दावेत्ता एवं वयामि-गच्छ णं तुम देवाणुप्पिए ! एयं दारगं एगते उक्कुरुडियाए उज्झाहि।
८० तए णं सा दासचेडी ममं एवं वुत्ता समाणी करयलपरिग्गहियं दसनह सिरसावत्तं मत्थए अंजलि कटु ममं एयमझें विणएणं पडिसुणेइ, पडिसुणेत्ता तुमं करयलपुडेणं गिण्हइ, गिण्हित्ता जेणेव असोगवणिया तेणेव उवागच्छइ, उवागच्छित्ता तुम एगते उक्कुरुडियाए उज्झइ ।।
८१. तए गं तुमे एगते उक्कुरुडियाए उज्झितेणं समाणेणं सा असोगवणिया उज्जोविया यावि होत्था ॥
८२. तए णं से सेणिए राया इभीसे कहाए लद्धठे समाणे जेणेव असोगवणिया तेणेव उवागच्छइ, उवागच्छित्ता तुम एगते उक्कुरुडियाए उज्झियं पासेइ, पासेत्ता आसुरुत्ते जाव' मिसिमिसेमाणे तुमं करयलपुडेणं गिण्हड, गिण्हित्ता जेणेव अहं तेणेव उवागच्छइ, उवागच्छित्ता ममं उच्चावयाहिं आओसणाहिं आओसइ, उच्चादयाहि निभंछणाहिं निभंछेइ, उच्चावयाहिं उद्धंसणाहिं उद्धंसे इ, उद्धंसेत्ता एवं क्यासी कीस णं तुमं ममं पुत्तं एगते उक्कुरुडियाए उज्झावेसि ? त्ति कटु ममं उच्चावयसबहसावितं करेइ, करेत्ता एवं वयासी-तुमं णं देवाणुप्पिए ! एयं दारगं अणुपुवेणं सारक्खमाणी संगोवेमाणी संवड्ढेहि !
८३. तए णं अहं सेणिएणं रण्णा एवं वुत्ता समाणी लज्जिया विलिया विड्डा करयलपरिगहियं दसनहं सिरसावत्तं मत्थए अंजलि कटु सेणियस्स रण्णो एयमझें विणएणं पडिसुणेमि, पडिसुणेत्ता तुमं अणु पुग्वेणं सारक्खमाणी संगोवेमाणी संवड्ढेमि ।।
८४. तए णं तुम्हं एगते उक्कुरुडियाए उज्झिज्जमाणस्स अग्गंगुलिया कुक्कुडिपिच्छएणं दुमिया वि होत्था, अभिक्खणं-अभिक्खणं पूर्य च सोणियं च अभिनिस्सवेइ ॥
८५. तए णं तुमं वेयणाभिभूए समाणे महया-महया सद्देणं आरससि ॥
८६. तए णं सेणिए राया तुम्हं आरसियसई सोच्चा निसम्म जेणेव तुमं तेणेव उवागच्छइ, उवागच्छित्ता तुमं करयलपुडेणं गिण्हइ, गिहित्ता तं अग्गंगुलियं आसयंसि पक्खिवइ, पक्खिवित्ता पूयं च सोणियं च आसएणं आमुसइ । तए णं तुमं निब्वुए निव्वेयणे तुसिणीए संचिट्ठसि ।।
८७. जाहे वि य णं तुम वेयणाए अभिभूए समाणे महया-मया सद्देणं आरससि, ताहे वि य णं सेणिए राया जेणेव तुमं तेणेव उवागच्छइ, उवागच्छित्ता तुमं करयलपुडेणं गिण्हइ, गिण्हित्ता तं अग्गंगुलियं आसयंसि पक्खिवइ, पक्खिवित्ता पूयं च सोणियं च आसएणं आमुसइ । तए णं तुम निव्वुए निव्वेयणे° तुसिणीए संचिट्ठसि -- एवं खलु तव पुत्ता! सेणिए राया अच्चंतनेहाणुरागरत्ते ।। कूणियस्स निवेद-पदं
८८. तए णं से कणिए राया चेल्लणाए देवीए अंतिए एयमझें सोच्चा निसम्म चेल्लणं देवि एवं वयासी-दुठ्ठ णं अम्मो ! मए कयं सेणियं रायं पियं देवयं गुरुजणगं अच्चंत१. उ०११२२ ।
२. उसम्मा (क)।
Jain Education International
For Private & Personal Use Only
www.jainelibrary.org
| SR No. | 003575 |
| Book Title | Agam 19 Upang 08 Niryavalika Sutra Nirayavaliao Terapanth |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 415 |
| Language | Prakrit |
| Classification | Book_Devnagari, Agam, Canon, & agam_nirayavalika |
| File Size | 8 MB |