Agam 19 Upang 08 Niryavalika Sutra Nirayavaliao Terapanth

SR No.: 003575
Original Sutra Author: N/A
Author: Tulsi Acharya, Mahapragna Acharya
Publisher: Jain Vishva Bharati
Publication Year: 1989
Total Pages: 415
Language: Prakrit
Classification: Book_Devnagari, Agam, Canon, & agam_nirayavalika
File Size: 8 MB

Page 86

पढ म अझयणं
७२७
७३. तए णं से कुणिए राया चेल्लणं देवि एवं वयासी -घाएउकामे णं अम्मो ! ममं सेणिए राया, "मारेउकामे णं अम्मो ! ममं सेणिए राया, बंधेउकामे णं अम्मो! मम सेणिए राया,' निच्छुभिउकामे णं अम्मो ! ममं सेणिए राया, तं कहं णं अम्मो ! मम सेणिए राया अच्चंतनेहाणुरागरत्ते ?।।
७४. तए णं सा चेल्लणा देवी कूणियं रायं' एवं वयासी एवं खलु पुत्ता ! तुमंसि ममं गन्भे आभूए समाणे तिष्हं मासाणं बहुपडिपुण्णाणं ममं अयमेयारूवे दोहले पाउन्भए... धण्णाओ णं ताओ अम्मयाओ "जाव" जाओ णं सेणियस्स रष्णो उयरवलिमसेहिं सोल्लेहि य तलिएहि य भज्जिएहि य सुरं च महुं च मेरगं च जाई च सीधं च पसण्णं च आसाएमाणीओ विसाएमाणीओ परिभाएमाणीओ परिभुजेमाणीओ दोहलं विणेति जाव अहं सेणियस्स रपणो तेहिं उयरवलिमसेहिं सोल्लेहि य तलिएहि य भज्जिहि य सुरं च महुं च मेरगं च जाइं च सीधुं च पसणं च आसाएमाणी विसाएमाणी परिभाएमाणी परिभुजेमाणी दोहलं विणेमि ॥
७५. तए णं अहं संपुण्णदोहला सम्माणियदोहला वोच्छिण्णदोहला तं गब्भं सुहंसुहेणं परिवहामि ॥
७६. तए णं ममं अण्णया कयाइ पुवरत्तावरत्तकालसमयंसि अयमेयारूवे अज्झथिए चितिए पत्थिए मणोगए संकप्पे समुप्पज्जित्था--जइ ताव इमेणं दारएणं गब्भगएणं चेव पिउणो उयरवलिमसाई खाइयाई, तं सेयं खलु मे एयं गब्भं साडित्तए वा पाडित्तए वा गालित्तए वा विद्धंसित्तए वा एवं संपेहेमि, संपेहेत्ता तं गब्भं बहूहि गन्भसाडणेहि य गब्भपाडणेहि य गब्भगालणेहि य गब्भविद्धंसणेहि य इच्छामि तं गब्भं साडित्तए वा पाडित्तए वा गालित्तए वा विद्धंसित्तए वा, नो चेव णं से गब्भे सडइ वा पडइ वा गलइ वा विद्धंसइ वा ॥
७७. तए णं अहं तं गब्भं जाहे नो संचाएमि बहूहि गब्भसाडणेहि य जाव' गब्भविद्धसणेहि य साडित्तए वा जाव" विद्धंसित्तए वा ताहे संता तंता परितंता निविण्णा समाणी अकामिया अवसवसा अट्टदुहट्टवसट्टा तं गब्भं परिवहामि ।।
७८- तए णं अहं नवण्हं मासाणं बहुपडिपुण्णाणं अट्ठमाण राइंदियाणं वीइक्कंताणं सूमालं सुरूवं दारगं पयामि ।।
७६. तए णं ममं इमे एयारूवे अज्झथिए चितिए पत्थिए मणोगए संकप्पे समुप्पज्जित्था ---जइ ताव इमेणं दारएणं गब्भगएणं चेव पिउणो उयरवलि मसाई खाइयाई, तं न नज्ज इ णं एस दारए संबड्डमाणे अम्हं कुलस्स अंतकरे भविस्सइ, तं सेयं खलु अम्हं एयं दारगं एगते उक्कुरुडियाए उज्झावित्तए-एवं संपेहेमि, संपेहेत्ता दासचेडि सद्दावेमि,
१. सं० पा० .--एवं मारेउ बंधेउ । २. कुमारं (ख,ग)। ३. सं० पा०. --अम्मयाओ जाव अंगपडिचारि- याओ निरवसेसं भाणियब्वं जाव जाहे वि य णं तुमं वेयणाए अभिभूए महया जाव
तुसिणीए। ४. उ०२३४॥ ५. उ० ११३५-४८ । ६. उ० ११५१ । ७. उ० ११५१ ।