Page Text
________________
६०२
सूरपन्नत्ती
चउत्थं पाहुडपाहुडं २०. ता केवतियं एते' दुवे सूरिया अण्णमण्णस्स अंतरं कट्ट चारं चरंति आहिताति' वएज्जा? तत्थ खलु इमाओ छ पडिवत्तीओ। तत्थ एगे एवमाहंसु–ता एगं जोयणसहस्सं एगं च तेतीसं जोयणसतं अण्णमण्णस्स अंतरं कटु सूरिया चारं चरंति आहिताति वएज्जा-एगे एवमाहंसु १ एगे पुण एवमाहंसु–ता एगं जोयणसहस्सं एगं च च उतीसं जोयणसयं अण्णमण्णस्स अंतरं कटु सूरिया चारं चरंति आहिताति' वएज्जा--एगे एवमाहंसु २ एगे पुण एवमाहंसु-ता एगं जोयणसहस्सं एगं च पणतीसं जोयणसयं अण्णमण्णस्स अंतरं कटु सूरिया चारं चरंति आहिताति वएज्जा - एगे एवमाहंसु ३ "एगे पुण एवमाहंसु-ता एगं दीवं एग समुई अण्णमण्णस्स अंतरं कटु सूरिया चारं चरंति आहिताति वएज्जा-एगे एवमाहंसु° ४ एगे पुण एवमाहंसु--ता दो दीवे दो समुद्दे अण्णमण्णस्स अंतरं कटु सूरिया चारं चरंति आहिताति वएज्जा -एगे एवमासु ५ एगे पुण एवमाहंसु-ता तिण्णि दीवे तिण्णि समुद्दे अण्णमण्णस्स अंतरं कटु सूरिया चारं चरंति आहिताति वएज्जा---एगे एवमाहंसु ६ वयं पुण एवं वयामो–ता 'पंच पंच" जोयणाई पणतीसं च एगट्ठिभागे जोयणस्स एगमेगे मंडले अण्णमण्णस्स अंतरं अभिवड्ढेमाणा वा निवड्ढेमाणा वा सूरिया चारं चरंति आहिताति वएज्जा।
२१. तत्थ णं को हेतूति वएज्जा? ता अयण्णं जंबुद्दीवे दीवे सव्वदीवसमुदाणं सव्वभंतराए जाव परिक्खेवेणं पण्णत्ते, ता जया णं एते दुवे सूरिया सव्वभंतरमंडलं उवसंकमित्ता चारं चरंति तया णं 'नवणउति जोयणसहस्साइं" छच्च चत्ताले जोयणसए अण्णमण्णस्स अंतरं कटु चारं चरंति आहिताति वएज्जा, तया णं उत्तमकट्टपत्ते उक्कोसए अट्ठारसमुहुत्ते दिवसे भवइ, जहणिया दुवालसमुहुत्ता राती भवति ।। ते निक्खममाणा सूरिया नवं संवच्छरं अयमाणा पढमंसि अहोरत्तंसि अभितराणंतरं मंडलं उवसंकमित्ता चारं चरंति, ता जया णं एते दुवे सूरिया अब्भितराणंतरं मंडलं उवसंकमित्ता चारं चरंति तया णं नवणति जोयणसहस्साइं छच्च पणयाले जोयणसए पणवीसं च एगट्ठिभागे जोयणस्स अण्णमण्णस्स अंतरं कटु चारं चरंति आहिताति वएज्जा, तया णं अट्ठारसमुहुत्ते दिवसे भवइ दोहिं एगट्ठिभागमुहुत्तेहिं ऊणे, दुवालसमुहत्ता राती भवति दोहिं एगट्ठिभागमुहुत्तेहिं अहिया। ते निक्खममाणा सूरिया दोच्चंसि अहोरत्तंसि अभितरं तच्चं मंडलं उवसंकमित्ता चारं चरंति, ता जया णं एते दुवे सूरिया अभितरं तच्चं मंडलं उवसंक्रमिता चारं चरंति तथा णं नवणवति जोयणसहस्साई छच्च
१. ते (क,ग,घ,व)।
आनिति बिअत्र कर्त पदे द्विवचनमस्ति तेन 'आहिताति' (आख्याताविति) इति पाठो
मूले स्वीकृतः । ३. आहियति (ग,घ,व)।
४. सं० पा० –एवं एगं दोवं एगं समुदं
अण्णमण्णस्स अंतरं कटट । ५. पंच (क,ग,घ,ट,व)। ६. णवणवइजोयणसहस्साई (ग,घ,ट,व)।
Jain Education International
For Private & Personal Use Only
www.jainelibrary.org
| SR No. | 003574 |
| Book Title | Agam 16 Upang 05 Surya Pragnapti Sutra Surpannatti Terapanth |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 505 |
| Language | Prakrit |
| Classification | Book_Devnagari, Agam, Canon, & agam_suryapragnapti |
| File Size | 9 MB |