Page Text
________________
६७०
सूरपण्णत्ती
५. ता आदिच्चेणं अद्धमासेणं चंदे कति मंडलाइं चरति? ता सोलस मंडलाई चरति, सोलसमंडलचारी तदा अवराई खलु दुवे अट्ठकाइं जाइं चंदे केणइ असामण्णकाई सयमेव पविट्टित्ता-पविद्वित्ता चारं चरति ।।
६. कतराई खलु ताई दुवे अट्ठकाई जाइं चंदे केणइ असामण्णकाइ सयमेव पविद्वित्तापविद्वित्ता चारं चरति ? ता इमाई खलु ते बे अट्ठकाई जाइं चंदे केणइ असामण्णकाई सयमेव पविट्टित्ता-पविट्टित्ता चारं चरति, तं जहा णिक्खममाणे चेव अमावासंतेणं, पविसमाणे चेव पुणिमासितेणं । एताइं खलु दुवे अट्ठकाइं जाइं चंदे केणइ असामण्णकाई सयमेव पविट्ठित्ता-पविद्वित्ता चारं चरति ॥
७. ता पढमायणगते चंदे दाहिणाते भागाते पविसमाणे सत्त अद्धमंडलाइं जाइं चंदे दाहिणाते भागाते पविसमाणे चारं चरति ।।
८. कतराई खलु ताई सत्त अद्धमंडलाइं जाई चंदे दाहिणाते भागाते पविसमाणे चारं चरति ? इमाई खलु ताई सत्त अद्धमंडलाइं जाई चंदे दाहिणाते भागाते पविसमाणे चारं चरति, तं जहा ---बितिए' अद्धमंडले चउत्थे अद्धमंडले छठे अद्धमंडले अट्टमे अद्धमंडले दसमे अद्धमंडले बारसमे अद्धमंडले चउदसमे अद्धमंडले । एताई खलु ताई सत्त अद्भमंडलाइं जाई चंदे दाहिणाते भागाते पविसमाणे चारं चरति ॥
६. ता पढमायणगते चंदे उत्तराते भागाते पविसमाणे छ अद्धमंडलाइं तेरस य सत्तट्ठिभागाइं अद्धमंडलस्स जाई चंदे उत्तराते भागाते पविसमाणे चारं चरति ।
१०. कतराई खलु ताई छ अद्धमंडलाइं तेरस य सत्तट्ठिभागाइं अद्धमंडलस्स जाई चंदे उत्तराते भागाते पविसमाणे चारं चरति ? इमाइं खलु ताई छ अद्धमंडलाइं तेरस य सत्तविभागाइं अद्धमंडलस्स जाइं चंदे उत्तराते भागाते पविसमाणे चारं चरति, तं जहाततिए अद्धमंडले पंचमे अद्धमंडले सत्तमे अद्धमंडले णवमे अद्धमंडले एक्कारसमे अद्धमंडले तेरसमे अद्धमंडले पण्णरसमस्स अद्धमंडलस्स तेरस सत्तट्ठिभागाइं। एताइं खलु ताई छ अद्धमंडलाइं तेरस य सत्चट्ठिभागाइं अद्धमंडलस्स जाई चंदे उत्तराते भागाते पविसमाणे चारं चरति । एतावता च' पढमे चंदायणे समत्ते भवति ।।
११. ताणक्खत्ते अद्धमासे नो चंदे अद्धमासे, चंदे अद्धमासे नो णक्खत्ते अदमासे। ता णक्खत्ताओ अद्धमासाओ ते चंदे चंदेणं अद्ध मासेणं किमधियं चरति ? ता एगं अद्धमंडलं चरति चत्तारि य सट्रिभागाइं अद्धमंडलस्स सत्तट्टिभागं एगतीसाए छेत्ता णव भागाइं॥
१२. ता दोच्चायणगते चंदे पुरथिमाते भागाते णिक्खममाणे सत्त चउप्पण्णाइं जाई चंदे परस्स चिण्णं पडिचरति, सत्त तेरसकाइं जाई चंदे अप्पणो चिण्णं पडिचरति । ता दोच्चायण गते चंदे पच्चत्थिमाते भागाते णिक्खममाणे छ चउप्पण्णाइं जाइं चंदे परस्स चिण्णं पडिचरति, छ तेरसकाई जाई चंदे अप्पणो चिण्णं पडिचरति, अवरकाई खलु दुवे तेरसकाइं जाई चंदे केणइ असामण्णकाई सयमेव पविद्वित्ता-पविद्वित्ता चारं चरति ॥ १. बिदिए (क,ग,घ)।
३. ४ (क,ग,ट)। २. पणरसस्स (क); पष्णरसमे (म,घ)। ४. किमहियं (ट,व)।
Jain Education International
For Private & Personal Use Only
www.jainelibrary.org
| SR No. | 003574 |
| Book Title | Agam 16 Upang 05 Surya Pragnapti Sutra Surpannatti Terapanth |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 505 |
| Language | Prakrit |
| Classification | Book_Devnagari, Agam, Canon, & agam_suryapragnapti |
| File Size | 9 MB |