________________
एक्कारसमं पाहुडं
१. ता कहं ते संवच्छराणादी' आहितेति वदेज्जा ? तत्थ खलु इमे पंच संवच्छरा पण्णता, तं जहा----चंदे चंदे अभिवड्डिते चंदे अभिवड़िते ॥
२. ता एतेसि णं पंचण्हं संवच्छराणं पढमस्स चंदसंवच्छरस्स के आदी आहितेति वदेज्जा ? ता जे णं पंचमस्स अभिवडितसंवच्छरस्स पज्जवसाणे से णं पढमस्स चंदसंवच्छरस्स आदी अणंतरपुरक्खडे समए॥ ता से णं कि पज्जवसिते आहितेति वदेज्जा ? ता जे णं दोच्चस्स चंदसंवच्छरस्स आदी से णं पढमस्स चंदसंवच्छरस्स पज्जवसाणे अणंतरपच्छाकडे समए । तं समयं च णं चंदे केणं णक्खत्तेणं जोएति ? ता उत्तराहि आसाढाहि, उत्तराणं आसाढाणं छ दुवीस मुहुत्ता छदुवीसं च बावट्ठिभागा मुहुत्तस्स बावट्ठिभागं च सत्तद्विधा छेत्ता चउप्पण्णं चुणिया भागा सेसा । तं समयं च णं सूरे केणं णक्खत्तेणं जोएति? ता पुणव्वसुणा, पुणव्वसुस्स सोलस मुहत्ता अट्ठ य बावट्ठिभागा मुहत्तस्स बावट्ठिभागं च सत्तट्टिहा छेत्ता वीसं चुणिया भागा सेसा ।।
३. ता एतेसि ण पंचण्हं संवच्छ राणं दोच्चस्स चंदसंवच्छरस्स के आदी आहितेति वदेज्जा? ता जे णं पढमस्स चंदसंवच्छरस्स पज्जवसाणे से णं दोच्चस्स चंदसंवच्छरस्स आदी अणंतरपुरक्खडे समए । ता से णं किं पज्जवसिते आहितेति वदेज्जा ? ता जे णं तच्चस्स अभिवतिसंवच्छरस्स आदी, से ण दोच्चस्स चंदसंवच्छरस्स पज्जवसाणे अणंतरपच्छाकडे तं समयं च णं चंदे केणं णक्खत्तेणं जोएति ? ता पुव्वाहिं आसाढाहि, पुव्वाणं आसाढाणं सत्त मुहुत्ता तेवण्णं च बावट्ठिभागा मुहुत्तस्स बावट्ठिभागं च सत्तट्ठिधा छेत्ता इगतालीसं चुष्णिया भागा सेसा। तं समयं च णं सूरे केणं णक्खत्तेणं जोएति ? ता पुणव्वसुणा, पुणव्वसुस्स णं बायालीसं मुहुत्ता पणतीसं च बावट्ठिभागा मुहुत्तस्स बावट्ठिभागं च सत्तद्विधा छेत्ता सत्त चुण्णिया भागा सेसा॥
४. ता एतेसि णं पंचण्हं संवच्छराणं तच्चस्स अभिवड्डितसंवच्छरस्स के आदी आहि१. संवच्छ राणाई (क); संवच्छराणाती (व)। २. के पुच्छा (ट,व)।
६६२
Jain Education International
For Private & Personal Use Only
www.jainelibrary.org
