Page Text
________________
दसमं पाहुडं (पंचमं पा०)
६३७ चंदं उत्तराणं पोट्टवयाणं समप्पेति । ता उत्तरापोटुवया खलु ण वखत्ते उभयंभागे दिवड्डक्खेत्ते पणयालीस इमुहत्ते तप्पढमयाए पातो चंदेण सद्धि जोयं जोएति, अवरं च राति ततो पच्छा अवरं दिवसं - एवं खलु उत्तरापोटुवया णवखत्ते दो दिवसे एगं च राति चंदेण सद्धि जोयं जोएति, जोएत्ता जोयं अणुपरियट्टति, अणुपरिट्टित्ता सायं चंदं रेवतीणं समप्पेति । ता' रेवती खलु णक्खत्ते पच्छंभागे समक्खेत्ते तीसइमुहत्ते तप्पढमयाए सायं चंदेण सद्धिं जोयं जोएति, ततो पच्छा अवरं दिवसं... एवं खलु रेवती णक्खत्ते एग राति एगं च दिवसं चंदेण सद्धि जोयं जोएति, जोएत्ता जोयं अणुपरियट्टति, अणुपरियट्टिता सायं चंदं अस्सिणीणं समप्पेति । ता अस्सिणी खलु णक्खत्ते पच्छंभागे समक्खेत्ते तोसइमुहुत्ते तप्पढमयाए सायं चंदेण सद्धि जोयं जोएति ततो पच्छा अवरं दिवस-एवं खलु अस्सिणी णक्खत्ते एगं राति एगं च दिवसं चंदेण सद्धि जोयं जोएति, जोएत्ता जोयं अणुपरियट्टति, अणुपरियट्टित्ता सायं चंद भरणीणं समप्पेति। ता भरणी खलु णक्खत्ते णतंभागे अवक्खेत्ते पण्णरसमूहत्ते तप्पढमयाए सायं चंदेण सद्धि जोयं जोएति. णो लभति अवर दिवसं एवं खल भरणी पक्वते एग राति चंदेण सद्धि जोयं जोएति, जोएत्ता जोयं अणुपरियट्टति, अणुपरियट्टित्ता पातो चंदं कत्तियाणं समप्पेति । ता कत्तिया खलु णक्खत्ते पुत्वंभागे समक्खेत्ते तीसइमुहत्ते तप्पढम्याए पातो' चंदेण सद्धि जोयं जोएति, ततो पच्छा राति एवं खलु कत्तिया णक्खत्ते एग दिवसं एगं च राति चंदेण सद्धि जोयं जोएति, जोएत्ता जोयं अणुपरियट्टति, अणुपरियट्टित्ता पातो चंदं रोहिणीणं समप्पेति । रोहिणी जहा उत्तरभद्दवया । मिग सिरं जहा धणिट्ठा । अद्दा' जहा सतभिसया । पुणव्वसू जहा उत्तरभद्दवया । पुस्सो जहा धणिट्ठा । अस्सेसा जहा सतभिसया। मघा जहा पुव्वाफग्गुणी । पुव्वाफग्गुणी जहा पुव्वाभद्दवया । उत्तराफग्गुणी जहा उत्तरभद्दवया । हत्थो चित्ता य जहा धणिट्ठा । साती जहा सतभिसया । विसाहा जहा उत्तरभद्दवया । अणुराहा जहा धणिट्ठा। जेट्ठा जहा सतभिसया । मूलो पुव्वासाढा य जहा पुटवभद्दवया । उत्तरासाढा जहा उत्तरभद्दवया ॥
पंचमं पाहुडपाहुडं ६. ता कहं ते कुला आहिताति वदेज्जा? तत्थ खलु इमे बारस कुला बारस उवकुला चत्तारि कुलोवकुला पण्णत्ता । बारस कुला तं जहा-धणिट्ठा कुलं उत्तराभ दवया कुलं
१. अत: 'व' प्रती भिन्नावाचना लभ्यते--तथा देवा रेवति खलु णखत्ते पच्छंभागे सम जहा धणिवा जाव भाग चंदं अस्सिणी णं समप्पेति, भरणी खलु णखत्ते शंतरं भागे अवड्ड जहा सतविसता जाव पादो चंदं कत्तिताणो सम- प्पेति, एवं जहा पुब्वाभवता तहा पुवंभागा छप्पि णेयम्वा, जहा धणिद्रा तहा 'पच्छंभागा' अट्ठ णेयव्वा जाब एवं खलु उत्तरासादा दो दिवसे एगं च राति ग चदेण सद्धि जोगं
जोएति जोगं २ अणुपरियति जोगं २
अतिति समणं समप्पेति । २. सायं (क); सागं (घ,व) । ३. अत: 'ट' प्रती भिन्न वाचना लम्यते-एवं
जहा सतभिसया तहा नतंभागाणेयव्वा, जहा पुव्वाभदवया तहा पुवंभागा छप्पि नेयव्या, जहा धणिट्ठा तहा पच्छाभागाने यव्वा, अभिति समणं समप्पिति। ४. उत्तरापोटवता (क,ग,घ)।
Jain Education International
For Private & Personal Use Only
www.jainelibrary.org
| SR No. | 003574 |
| Book Title | Agam 16 Upang 05 Surya Pragnapti Sutra Surpannatti Terapanth |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 505 |
| Language | Prakrit |
| Classification | Book_Devnagari, Agam, Canon, & agam_suryapragnapti |
| File Size | 9 MB |