________________
५९२
चंदपण्णत्ती
पढमे पाहुडे पाहुडपाहुड-पडिवत्तिसंखा-पदं
वड्डोवुड्डी मुहत्ताणमद्धमंडलसंठिई । के ते चिण्णं परियरइ ? अंतरं कि चरंति य? ॥१॥ ओगाहइ केवइयं ? केवइयं च विकंपइ ? मंडलाण य संठाणे, विक्खंभो अट्ठ पाहुडा ॥२॥ छप्पंच य सत्तेव य, अट्ठ य तिण्णि य हवंति पडिवत्ती।
पढमस्स पाहुडस्स उ, हवंति एयाओ पडिवत्ती ॥३॥ दोच्चेपाहुडे पाहुडपाहुड-पडिवत्तिसंखा-पदं
पडिवत्तीओ उदए, तह अत्थमणेसु य । भेयघाए कण्णकला, मुहुत्ताण गईइ य ॥१॥ णिक्खममाणे सिग्घगई, पविसंते मंदगईइ य। चूलसीइसयं पुरिसाणं, तेसिं च पडिवत्तीओ ॥२॥ उदयम्मि अट्ठ भणिया, भेयघाए दुवे य पडिवत्ती।
चत्तारिमुहत्तगईए, हुंति तइयम्मि पडिवत्ती ॥३॥ दसमे पाहडे पाहडपाहडसंखा-पदं
आवलिय मुहुत्तग्गे, एवंभागा य जोगसा। कुलाई पुण्णमासी य, सण्णिवाए य संठिई ॥१॥ तारगग्गं च णेया य, चंदमग्गत्ति यावरे । देवताण य अज्झयणे, मुहुत्ताण य नामयाइ य ॥२॥ दिवसा राइ वुत्ता य तिहि गोत्ता भोयणाणि य । आइच्च-चार मासा य, पंचसंवच्छराइ य ॥३॥ जोइसस्स य दाराई, णक्खत्तविज एवि य ।
दसमे पाहुडे एए, बावीसं पाहुडपाहुडा ॥४॥ उक्खेव-पदं
६. तेणं कालेणं तेणं समएणं मिहिला नाम नयरी होत्था रिद्ध-स्थिमिय-समिद्धा, वण्णओ॥
७. तीसे णं मिहिलाए नयरीए उत्तरपुरस्थिमे दिसीभाए, एत्थ णं माणिभद्दे नाम चेइए होत्था----चिराईए, वण्णओ ॥
८. तीसे णं मिहिलाए नयरीए जियसत्तू नाम राया, धारिणी नामं देवी, वण्णओ ॥
६. तेणं कालेणं तेणं सम एणं तम्मि माणिभद्दे चेइए सामी समोसढे, परिसा निग्गया, धम्मो कहिओ, परिसा पडिगया।
१०. तेणं कालेणं तेणं समएणं समणस्स भगवओ महावीरस्स जेठे अंतेवासी इंदभूती
१. नामधज्जाइं (ट,म,व)। २. अष्टादशे आदित्यानामुपलक्षणमेतच्चन्द्रमसा च
चारा वक्तव्याः (सूव)।
३. ओ० सू०१। ४. ओ० सू०२-१३ । ५. ओ० सू० १४,१५ ॥
Jain Education International
For Private & Personal Use Only
www.jainelibrary.org
