Page Text
________________
जंबुद्दीवपण्णत्ती तिभागपविभत्ते दोणि अद्वतीसे जोयणसए तिण्णि य एगणवीस इभागे जोयणस्स विक्खंभेणं । तस्स वाहा पुरत्थिम-पच्चत्थिमेणं अट्ठारस बाणउए जोयणसए सत्त य एगणवीसइभागे जोयणस्स अद्धभागं च आयामेणं । तस्स जीवा उत्तरेणं पाईणप'डीणायया' दुहा' लवणसमुई पुट्ठा तहेव जाव चोद्दस जोयणसहस्साइं चत्तारि य एक्कहत्तरे जोयणसए छच्च एगूणवीसइभाए जोयणस्स किंचिविसेसूणे आयामेणं पण्णत्ता ! तीसे धणुपट्टे दाहिणेणं चोद्दस जोयणसहस्साइं पंच अट्ठावीसे जोयणसए एक्कारस य एगूणवीसइभाए जोयणस्स परिक्खेवेणं ॥
४६. उत्तरड्डभरहस्स णं भंते ! वासस्स केरिसए आगारभावपडोयारे पण्णत्ते ? गोयमा ! वहुसमरमणिज्जें भूमिभागे पण्णत्ते, से जहाणामए आलिंगपुक्खरेइ वा जाव णाणाविहपंचवण्णेहिं मणीहि तणेहि य उवसोभिए, तं जहा-कित्तिमेहिं चेव अकित्तिमेहि चेव ।।
५०. उत्तरड्डभरहे णं भंते ! वासे मणुयाणं केरिसए आगारभावपडोयारे पण्णत्ते ? गोयमा ! ते णं मणुया बहुसंघयणा' 'बहुसंठाणा वहुउच्चत्तपज्जवा बहुआउपज्जवा बहूई वासाइं आउं पालेंति, पालेत्ता अप्पेगइया णिरयगामी अप्पेग इया तिरियगामी अप्पेगइया मणुयगामी अप्पेगइया देवगामी अप्पेगइया सिझंति' 'बुझंति मुच्चंति परिणिव्वंति° सव्वदुक्खाणमंतं करेंति ॥
५१. कहि णं भंते ! जंबुद्दीवे दीवे उत्तरडभरहे वासे उसभकूडे णामं पव्वए पण्णत्ते ? गोयमा ! गंगाकुंडस्स पच्चत्थिमेणं, सिंधुकुंडस्स पुरथिमेणं, चुल्ल हिमवंतस्स वासहरपव्वयस्स दाहिणिल्ले णितंबे, एत्थ णं जंबुद्दीवे दीवे उत्तरड्ढभ रहे वासे उसह कूडे णामं पव्वए पण्णत्ते--अट्ट जोयणाई उड्डू उच्चत्तेणं, दो जोयणाई उन्वेहेणं, मूले अट्ठ जोयणाई विक्खंभेणं, मज्झे छ जोयणाई विक्खंभेणं, उवरि चत्तारि जोयणाई विक्खंभेणं, मूले साइरेगाई पणवीसं जोयणाई परिक्खेवेणं, मज्झे साइरेगाइं अट्ठारस जोयणाइं परिक्खेवेणं, उवरि साइरेगाइ दुवालस जोयणाई परिक्खेवेणं, [पाठांतरं'-मूले वारस जोयणाई विक्खंभेण, मज्झे अट्ठ जोयणाई विक्खंभेणं, उप्पि चत्तारि जोयणाई विक्खंभेणं, मूले साइरेगाई सत्तत्तीसं जोयणाई परिक्खेवेणं, मज्झे साइरेगाइं पणवीसं जोयणाई परिक्खेवेणं, उप्पि साइरेगाईबारस जोयणाई परिक्खेवेणं] मूले विच्छिण्णे मज्झे संक्खित्ते उपि तणुए गोपुच्छसंठाणसंठिए सव्वजंबूणयामए अच्छे सण्हे जाव पडिरूवे। से णं एगाए पउमवरवेइयाए तहेव जाव' भवणं कोसं आयामेणं अद्धकोसं विक्खंभेणं देसूर्ण कोसं उड्डू उच्चत्तेणं । अट्ठो तहेव, उप्पलाणि पउमाणि जाव" उसभे य एत्थ देवे महिड्डीए जाव" दाहिणणं रायहाणी तहेव मंदरस्स पव्वयस्स जहा विजयस्स अविसेसियं ।। १. पडीयायता (त्रि,ब)।
विद्यते, न तु आदर्शगतः।। २. दुधा (ख,स)।
८. जं० १।८। ३. एक्कसत्तरे (अ)।
६. ०११३५,३६,४२-४४ । ४. जी०३२७५ ।
१०. एतत्पदं से केणट्ठणं भंते !' इति पदस्य ५. सं० पा०-बहुसंधयणा जाव अप्पेगइया। सूचकमस्ति । ६. सं० पा०–सिज्झंति जाव सव्वदुक्खाणमंतं। ११. जी. ३१६३५ । ७. अयं वाचमाभेदः आगमसङ्कलनकालीन एव १२. जी० ३।३४८-५६३ 1
Jain Education International
For Private & Personal Use Only
www.jainelibrary.org
| SR No. | 003572 |
| Book Title | Agam 18 Upang 07 Jambudveep Pragnapti Sutra Jambuddivpannatti Terapanth |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 617 |
| Language | Prakrit |
| Classification | Book_Devnagari, Agam, Canon, & agam_jambudwipapragnapti |
| File Size | 12 MB |