Page Text
________________
सत्तमो वक्खारो
१५६. वासाणं भंते ! चउत्थं मासं कइ णक्खत्ता णेंति ? गोयमा! तिण्णि, तं जहाअस्सिणी भरणी क तिया । अरिसणी उस । भरणी पप्णरस । कत्तिया' एगं । तंसि च णं मासंसि सोलसंगुलपोरिसीए छायाए सूरिए अणुपरियट्टइ। तस्स णं मासस्स चरिमे दिवसे तिणि पयाइं चत्तारि य अंगुलाई पोरिसी भवइ ।।
१६०. हेमंताणं भंते ! पढमं मासं कइ णक्खत्ता णेंति ? गोयमा ! तिण्णि, तं जहा-कत्तिया रोहिणी मिगसिरं'। कत्तिया चउद्दस । रोहिणी पण्णरस । मिगसिरं ए अहोरत्तं जेई । तंसि च णं मासंसि वीसंगुलपोरिसीए छायाए सूरिए अणुपरिवट्टइ । तस्स णं मासस्स जेसे चरिमे दिवसे तंसि च णं दिवसंसि तिण्णि पयाइं अट्ठ य अंगुलाई पोरिसी भवइ॥
१६१. हेमंताणं भंते ! दोच्चं मासं कइ णक्खत्ता ऐति ? गोयमा ! चत्तारि णक्खत्ता ऐति, तं जहा -मिगसिरं अद्दा पुणव्वसू पुस्सो। मिगसिरं चउद्दस राइंदियाई णेइ । अद्दा अट्ट णेइ । पुणब्वसू सत्त राइंदियाइं । पुस्सो एग राइंदियं णेइ। तया णं चउब्बीसंगुलपोरिसीए छायाए सूरिए अणुपरियट्टइ । तस्स णं मासस्स जेसे चरिमे दिवसे तंसि च णं दिवसंसि लेहवाइं चत्तारि पयाई पोरिसी भवइ ।।
१६२. हेमंताणं भंते ! तच्चं मासं कइ गक्खत्ता णेति ? गोयमा! तिण्णि, तं जहा–पुस्सो असिलेसा महा । पुस्सो चोद्दस राइंदियाई गेइ। असिलेसा पण्णरस । महा एक्कं । तया णं वीसंगुलपोरिसीए छायाए सूरिए अणुपरियट्टइ। तस्स णं मासस्स जेसे चरिमे दिवसे तंसि च णं दिवसंसि तिणि पयाइं अटुंगुलाई पोरिसी भवइ ।।
१६३. हेमंताणं भंते ! चउत्थं मासं कइ णक्खत्ता ऐति ? गोयमा ! तिण्णि णक्खत्ता. तं जहा-महा पवाफग्गणी उत्तराफग्गणी । महा चउस राइंदियाई णेइ । पुव्वाफग्गुणी पण्णरस राइंदियाई णेइ। उत्तराफग्गुणी एग राइंदियं णेइ ! तया णं सोलसंगुलपोरिसीए छायाए सूरिए अणुपरियट्टइ । तस्स णं मासस्स जेसे चरिमे दिवसे तंसि च णं दिवसंसि तिष्णि फ्याइं चत्तारि य अंगुलाई पोरिसी भवइ ।
१६४. गिम्हाणं भंते ! पढम मासं कइ णक्खत्ता मेंति ? गोयमा ! तिण्णि णक्खत्ता ऐति, तं जहा-उत्तराफग्गुणी हत्थो चित्ता। उत्तराफग्गुणी चउद्दस राइंदियाई णेइ । हत्थो पण्णरस राइंदियाई णेइ। चित्ता एगं राइंदियं णेइ। तया णं दुवालसंगुलपोरिसीए छायाए सूरिए अणुपरियट्टइ। तस्स णं मासस्स जेसे चरिमे दिवसे तंसि च णं दिवसंसि लेहट्ठाई तिणि पयाई पोरिसी भवइ ।।
१६५. गिम्हाणं भंते ! दोच्चं मासं कइ णखत्ता णेति ? गोयमा ! तिणि णक्खत्ता ऐति, तं जहा-चित्ता साई विसाहा । चित्ता चउद्दस राइंदियाई णेइ। साई पण्णरस राइंदियाई णेइ । विसाहा एगं राइंदियं णेइ। तया णं अठंगुलपोरिसीए छायाए सूरिए अणुपरियट्टइ। तस्स णं मासस्स जेसे चरिमे दिवसे तंसि च णं दिवसंसि दो पयाई अलैंगुलाई पोरिसी भवइ ॥
१. मासिणी (ब)1 २. कित्तिया (कख,स।
३. मगसिरं (ब)। ४. तता (अ,ब); तदा (क,ख,स)।
Jain Education International
For Private & Personal Use Only
www.jainelibrary.org
| SR No. | 003572 |
| Book Title | Agam 18 Upang 07 Jambudveep Pragnapti Sutra Jambuddivpannatti Terapanth |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 617 |
| Language | Prakrit |
| Classification | Book_Devnagari, Agam, Canon, & agam_jambudwipapragnapti |
| File Size | 12 MB |