Page Text
________________
सत्तमो ववखारो
५७७
१४२. पोटुवइण्णं भंते ! पुणिमं किं कुलं जोएइ पुच्छा। गोयमा ! कुलं वा उवकुलं वा कुलोवकुलं वा जोएइ । कुलं जोएमाणे उत्तर भद्दवया णवखत्ते जोए इ, उवकुलं जोएमाणे पुव्वभद्दवया णक्खत्ते जोएइ, कुलोवकुलं जोएमाणे सय भिसया णदखत्ते जोएइ। पोट्टवइपणं पुण्णिमं कुलं वा जोएइ जाव कुलोवकुलं वा जोएइ। कुलेण वा जुत्ता जाव कुलोवकुलेण वा जुत्ता पोट्ठवई पुण्णमासी जुत्तति वत्तव्वं सिया ॥
१४३. अस्सोइण्णं भंते ! पुच्छा । गोयमा ! कुलं वा जोएइ, उवकुलं वा जोएइ, णो लब्भइ कुलोवकुलं । कुलं जोएमाणे अस्सिणी णवखत्ते जोएइ, उवकुलं जोएमाणे रेवई णक्खत्ते जोएइ । अस्सोइण्णं पुण्णिमं कुलं वा जोएइ, उवकुलं वा जोएइ । कुलेण वा जुत्ता उवकुलेण वा जुत्ता अस्सोई पूण्णिमा जुत्तत्ति वत्तव्वं सिया ।।
१४४. कत्तिइण्णं भंते ! परिणयं कि कलं पच्छा। गोयमा! कलं वा जोएड. उवकलं वा जोएइ, णो कुलोवकुलं जोएइ। कुलं जोएमाणे कत्तिया णक्खत्ते जोएइ, उवकुलं जोएमाणे भरणी णक्खत्ते जोएइ। कत्तिइण्णं' 'पुणिम कुलं वा जोए इ, उवकुलं वा जोएइ। कुलेणं वा जुत्ता उवकुलेण वा जुत्ता कत्तिई पुणिमा जुत्तत्ति वत्तव्वं सिया ।।
१४५. मग्गसिरिण्णं भंते ! पुण्णिमं किं कुलं तं चेव दो जोएइ, णो भवइ कुलोवकुलं । कुलं जोएमाणे मग्गसिर णक्खत्ते जोएइ, उवकुलं जोएमाणे रोहिणी णक्खत्ते जोएइ । मग्गसिरिणं पुण्णिमं जाव वत्तव्वं सिया ॥
१४६. एवं सेसियाओवि जाव आसाढिं पोसि जेट्टामूलिं च कुलं वा उवकुलं वा कुलोवकुलं वा । सेसियाणं कुलं वा उवकुलं वा, कुलोवकुलं ण भण्णइ ॥
१४७. साविट्टिण्णं भंते ! अमावसं कइ णक्खत्ता जोएंति ? गोयमा ! दो णवखत्ता जोएंति, तं जहा-अस्सेसा य महा य ॥
१४८. पोटुवइण्णं भंते ! अमावसं' कइ णवखत्ता जोएंति ? गोयमा ! दो णवखत्ता जोएंति, तं जहा-पुन्वाफरगुणी, उत्तराफग्गुणी' य ॥
१४६. अस्सोइण्णं भंते ! दो- हत्थे चित्ता य । कत्तिइण्णं दो साई विसाहा य । मग्गसिरिण्णं तिण्णि-- अणुराहा जेट्टा मूलो य । पोसिण्णं दो - - पुव्वासाढा उत्तरासाढा । माहिण्णं तिण्णि-अभिई सवणो धणिट्टा । फरगुणिण्णं तिण्णि-सयभिसया पुबाभद्दवया उत्तराभवया । चेत्तिण्णं दो-रेबई अस्सिणी य। वइसाहिण्णं दो-भरणी कत्तिया य। जेद्वामूलिण्णं दो-रोहिणी मगसिरं च । आसाढिएणं तिणि - अद्दा पुणव्वसू पुस्सो।।
१५०. साविट्टिण्णं भंते ! अमावसं कि कुलं जोएइ ? उवकुलं जोएइ ? कुलोवकुलं जोएइ ? गोयमा! कुलं वा जोएइ, उपकुलं वा जोएइ, णो लब्भइ कुलोवकुलं । कुलं जोए
१. सं० पा०-कत्तिइण्णं जाव वत्तध्वं । २. अमावास (अ,क,ख,त्रि,ब) । ३. अवामसं (अ,ब)। ४. उत्तरभद्दवया (अ); उत्तरा फग्गुणी उत्तरा- भद्दवया (ब); वृत्तित्रयेपि परमार्थतः पुनस्त्रीणि नक्षत्राणि मघादीनि इति तात्पर्य
स्वीकृतमस्ति, किन्तु उत्तराभवया' इति पाठी नास्ति तयोल्लिखितः । एप वाचनाभेद
एव सम्भाव्यते लिपिदोषो वा। ५. अवामस (अ); अमावासं (क,त्रिप);
अवामासं (ख); अवमास (ब)।
Jain Education International
For Private & Personal Use Only
www.jainelibrary.org
| SR No. | 003572 |
| Book Title | Agam 18 Upang 07 Jambudveep Pragnapti Sutra Jambuddivpannatti Terapanth |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 617 |
| Language | Prakrit |
| Classification | Book_Devnagari, Agam, Canon, & agam_jambudwipapragnapti |
| File Size | 12 MB |