Page Text
________________
जंबुद्दीवपण्णत्ती
ताल-तुडिय-घण-मुइंग-पडुप्पवाइयरवेणं दिव्वाइं भोगभोगाई भुंजमाणा सुहलेसा मंदलेसा मंदायवलेसा चित्तंतरलेसा अण्णोण्णसमोगाढाहिं लेसाहिं कूडाविव ठाणठिया सव्वओ समंता ते पएसे ओभासेंति उज्जोवेंति पभासेंति ।।
५६. तेसि णं भंते ! देवाणं जाहे इंदे चुए भवइ से कहमियाणि पकरेंति ? गोयमा ! ताहे चत्तारि पंच वा सामाणिया देवा तं ठाणं उवसंपज्जित्ताणं विहरंति जाव तत्थपणे इंदे उववण्ण भवइ॥
६०. इंदट्टाणे णं भंते ! केवइयं कालं उववाएणं विरहिए ? गोयमा ! ° जहण्णेणं एक्कं समयं, उक्कोसेणं छम्मासा ।।
६१. कइ णं भंते ! चंदमंडला पण्णता? गोयमा ! पण्णरस चंदमंडला पण्णत्ता ।
६२. जंबुद्दीवे णं भंते ! दीवे केवइयं ओगाहित्ता केवइया चंदमंडला पण्णत्ता ? गोयमा ! जंबुद्दीवे दीवे असीयं जोयणसयं ओगाहित्ता पंच चंदमंडला पण्णत्ता ।।
६३. लवणे णं भंते ! पुच्छा। गोयमा ! लवणे णं समुद्दे तिण्णि तीसे जोयणसए ओगाहित्ता, एत्थ णं दस चंदमंडला पण्णत्ता। एवामेव सपुवावरेणं जंबुद्दीवे दीवे लवणे य समुद्दे पण्णरस चंदमंडला भवतीतिमक्खायं ।।
६४. सव्वब्भंतराओ णं भंते ! चंदमंडलाओ केवइयं अबाहाए सव्वबाहिरए चंदमंडले पण्णत्ते ? गोयमा ! पंचदसुत्तरे जोयणसए अबाहाए सव्वबाहिरए चंदमंडले पण्णत्ते ।।
६५. चंदमंडलस्स णं भंते ! चंदमंडलस्स य एस णं केवइयं अबाहाए अंतरे पण्णत्ते ? गोयमा ! पणतीसं-पणतीसं जोयणाइं तीसं च एगसट्ठिभाए जोयणस्स एगसद्विभागं च सत्तहा छेत्ता चत्तारि चुणियाभाए चंदमंडलस्स-चंदमंडलस्स अबाहाए अंतरे पण्णत्ते॥
. ६६. चंदमंडले णं भंते ! केवइयं आयाम-विक्खंभेणं, केवइयं परिक्खेवेणं, केवइयं बाहल्लेणं पण्णत्ते ? गोयमा! छप्पण्णं एगसद्विभाए जोयणस्स आयाम-विक्खंभेणं, तं तिगुणं सविसेसं परिक्खेवेणं, अट्ठावीसं च एगसट्ठिभाए जोयणस्स वाहल्लेणं ।।।
६७. जंबुद्दीवे णं भंते ! दीवे मंदरस्स पव्वयस्स केवइयं अबाहाए सव्वभंतरए चंदमंडले पण्णत्ते ? गोयमा! चोयालीसं जोयणसहस्साइं अट्ठ य वीसे जोयणसए अबाहाए सव्वब्भंतरे चंदमडले पण्णत्तं ।।
६८. जंबहीवे णं भंते ! दीवे मंदरस्स पव्वयस्स केवइयं अबाहाए अभंतराणंतरे चंदमंडले पण्णत्ते ? गोयमा ! चोयालीसं जोयणसहस्साइं अट्ठ य छप्पणे जोयणसए पणवीसं च एगसद्विभाए जोयणस्स एगसट्ठिभागं च सत्तहा छेत्ता चत्तारि' चुणियाभाए अबाहाए अभंत राणंतरे चंदमंडले पण्णत्ते ।।
६६. जंबुद्दीवे णं भंते ! दीवे मंदरस्स पव्वयस्स केवइयं अबाहाए अभंतरतच्चे चंदमंडले पण्णत्ते ? गोयमा ! चोयालीसं जोयणसहस्साइं अट्ठ य बाणउए जोयणसए एगावणं १. सं० पा०..-पकरेति जाव जहण्णणं ।
४. पणुवीसं (अ,क,ब) अग्रेपि । २. एगदिमाए (अ,क,ख,त्रि,ब,स) प्रायः सर्वत्र। ५. चत्तारि य (ख,त्रि,स)। ३. एगढिमाए (प) ।
६. एक्कापणं (अ,ब)। .
Jain Education International
For Private & Personal Use Only
www.jainelibrary.org
| SR No. | 003572 |
| Book Title | Agam 18 Upang 07 Jambudveep Pragnapti Sutra Jambuddivpannatti Terapanth |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 617 |
| Language | Prakrit |
| Classification | Book_Devnagari, Agam, Canon, & agam_jambudwipapragnapti |
| File Size | 12 MB |