Page Text
________________
पंचमो बबखारो
૪૬
परंजइ, परंजिता' 'तप्पढमयाए पम्हलसूमालाए' सुरभीए गंधकासाईए गायाई' लूहेइ, लूहेत्ता" "सरसेणं गोसीसचंदणेणं गाताई अणुलिपति, अणुलिपित्ता नासानीसासवायवोज्झं चक्खुहरं वण्णफरिसजुत्तं हयलालापेलवातिरेगं धवलकणगखचियंत कम्मं आगासफलिहसमप्पभं अहतं दिव्वं देवदूतजुयलं णियंसावेति णियंसावेत्ता जाव कप्परुवखगं पिव अय-विभूसियं करेइ, करेत्ता' 'दिव्वं च सुमणदामं पिणद्धावेइ, पिणद्धावित्ता' ट्टविहि उवदंसेइ, उवदंसेत्ता अच्छेहि सहेहि रययामएहिं अच्छरसातंडुलेहिं भगवओ सामिस्स पुरओ अट्टमंगलगे आलिहइ, [तं जहा
दप्पण भासण वद्धमाण वरकलस मच्छ सिरिवच्छा । सोत्थिय णंदावत्ता लिहित्ता अट्ठट्ठ मंगलगा || १ || ] काऊण' करेइ उवयारं, कि ते ? पाडल-मल्लिय चंपग असोग पुण्णाग-चूयमंजरि णवमालिय- बकुल- तिलग-कणवीर कुंद कोज्जय कोरंट-पत्त - दमणग- वरसुरभिगंधगंधियस्स" कयग्गहिय" - करयलपब्भट्ठविप्पमुक्कस्स दसद्धवण्णस्स कुसुमणिगरस्स तत्थ चित्तं जण्णुस्सेहप्पमाणमेत्तं " ओहिनिगर" करेत्ता चंदप्पभ-रयण-वइर-वेरुलियविमलदंडं कंचणमणिरयणभत्तिचित्तं " कालागरु"-पवरकुंदुरुक्क तुरुक्क-धूवगंधुत्तमाणुविद्धं च धूमवट्टि विणिम्मुयंतं वेरुलियमयं कडुच्छुयं पग्गहेतु पयते धूवं दाऊण जिणवरिदस्स सत्तट्ठपयाई ओसरित्ता दसंगुलियं अंजलि करिय मत्ययंसि पयओ" अट्ठसय विसुद्ध गंथजुत्तेहि महावित्तहि अपुणरुतेहि अत्यजुत्तेहि संथुणइ, संधुणित्ता वामं जाणुं अंचेइ, अंचेत्ता" दाहिणं जाणं धरणितलंसि साहट्ट तिक्खुत्तो मुद्धाणं धरणितलंसि णिवेसेइ, णिवेसेत्ता ईसि पच्चण्णमई, पच्चुण मित्ता कडग तुडिय-थंभियाओ भुयाओ साहरइ, साहरिता करयल परिग्गहियं सिरसावत्तं मत्थए अंजलि कट्टु एवं वयासी - णमोत्थु ते सिद्ध ! बुद्ध ! णीरय ! समण ! समाहिय ! समत्त ! समजोगि ! सल्लगत्तण! णिब्भय ! णीरागदोस ! णिम्मम ! णिस्संग ! णीसल्ल ! माणमूरण ! गुणरयण ! सीलसागरमणंतमप्पमेय ! भविय ! धम्मवरचाउरंतचक्कबट्टी ! णमोत्थु ते अरहओत्तिकट्टु " वंदइ णमंसइ, वंदित्ता
२२
१. सं० पा०—पजित्ता जाव पम्हलसूमालाए । २. 'सुकुमालाए ( अ, त्रि, ब ) ।
३. गाई (क, ख ); गत्ताई ( ब ) ।
४. सं पा० - लहेत्ता एवं जाव कप्परुवखगं । ५. जी० ३।४५१ ॥
६. सं० पा० – करेला जाव णट्टविहि
७. सहेहि सेतेहि (जं० ३११२) । ८. कोष्ठकवत्तिपाठः व्याख्यांशो दृश्यते । ६. लिहिऊण ( प, शावृ); आलिहित्ता काऊणं
( जं० ३।१२ ) । द्रष्टव्यम् - ३११२ सूत्रस्य पादटिप्पणम् ।
-
Jain Education International
११. ग्गाह (ब) 1
१२. कुसुमसंचतस्स (आवश्यक चूर्णि पृ० १४९ ) । १३. जाणु° (त्रि) 1
१४. ओह (क, ख, प, स, पुवृ ) ।
१५. पाणामणि (त्रि, ही वृ )
१६. कालागुरु (त्रि) 1
१७. कडेच्छ्यं ( क, ख ) ; कडच्छुयं ( ब ) । १८. मत्यगंमि ( अ, ब ) ; मत्ययंमि (क, ख, स ) । १६. पत्तो ( अ, त्रिच ) 1
२० सं० पा०--अंचेत्ता जाव करयपरिगहियं । २१ गिरागदोस ( अ, ब ) 1
१०. ° सुरभिसुगंधगंधियस्स (क, ख, पुवृ ) : सुरभिसु- २२. अरहओ मोत्य ते भगवओत्तिकट्टु ( अ,ब, पुवृ) : अरहओ णमोत्यु ते अरहओत्तिकट्टु ( क ) ।
किस ( ) |
For Private & Personal Use Only
www.jainelibrary.org
| SR No. | 003572 |
| Book Title | Agam 18 Upang 07 Jambudveep Pragnapti Sutra Jambuddivpannatti Terapanth |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 617 |
| Language | Prakrit |
| Classification | Book_Devnagari, Agam, Canon, & agam_jambudwipapragnapti |
| File Size | 12 MB |