Page Text
________________
५४०
बुद्दीपण्णत्ती
सिरसावत्तं मत्थए अंजलि कट्टु एवं वयासी - णमोत्थु ते रमणकुच्छिधारिए' • जगप्प ईवदाइए सव्वजगमंगलस्स चक्खुणो य मुत्तस्स सव्वजगजीववच्छलस्स हियकारग-मग्गदेसिय- पागड्डि- विभुपभुस्स जिणस्स णाणिस्स पायगस्स बुद्धस्स बोहगस्स सव्वलोगणाहस्स णिम्ममस्स पवरकुलसमुब्भवस्स जाईए खत्तियस्स जंसि लोगुत्तमस्स, जणणी धण्णासि पुण्णासि तं कयत्यासि, अहण्णं देवाणुप्पिए ! सक्के णामं देविदे देवराया भगवओ तित्थयरस्स जम्मणमहिमं करिस्सामि, तण तुम्भाहिं ण भाइयव्वंतिकट्टु ओसोवण दलयइ, दलइत्ता तित्थयरपडिरूवगं विउब्वइ, विउवित्ता तित्थय रमाउयाए पासे ठवेइ, ठवेत्ता पंच सक्के विउव्वइ, विउब्बित्ता एगे सक्के भगवं तित्थयरं करयलपुडेणं गिण्हइ, एगे सक्के पिट्टओ आयवत्तं धरेइ, दुवे सक्का उभओ' पासिं चामरुक्खेवं करेंति, एगे सक्के पुरओ वज्जपाणी पगडई' ||
४७. तए णं से सक्के देविदे देवराया अण्णेहि बहूहिं भवणवइ-वाणमंतर - जोइस*देवे देवीहि यसद्धि संपरिवुडे सब्बिड्डीए जाव दुंदुहिणिग्घोसणाइयरवेणं ताए उक्किट्टाए" "तुरियाए चवलाए जइणाए सीहाए सिग्घाए उद्धयाए दिव्वाए देवगईए' वीईवयमाणे-वीईवयमाणे जेणेव मंदरे पव्वए जेणेव पंडगवणे जेणेव अभिसेयसिला जेणेव अभिसेयसीहासणे तेणेव उवागच्छइ, उवागच्छित्ता सीहासणवरगए पुरत्याभिमुहे सणसण्णे ||
४८. तेणं कालेणं तेणं समएणं ईसाणे देविंदे देवराया सूलपाणी वसभवाहणे सुरिंदे उत्तरडलोगाहिवई अट्ठावीस विमाणावाससयसहस्सा हिवई अरयंबरवत्थधरे, एवं जहा सक्के, इमं णाणत्तं - महाघोसा घंटा, लहुपरक्कमो पायत्ताणियाहिव ई", पुप्फओ विमाणकारी, दक्खिणा निज्जाणभूमी, उत्तरपुरत्थिमिल्लो रइकरगपव्वओ, मंदरे समोसरिओ जाव" पज्जुवासइ ॥
४९. एवं अवसिद्वावि इंदा भाणियव्वा जाव अच्चुओ, इमं णाणत्तं
१. सं० पा० - रयणकुच्छिधारिए एवं जहा दिसाकुमारीओ जाव धण्णासि ।
२. ते (त्रि, हो) ।
३. अहो ( अ, ब ) 1
४. पवट्टति (त्रि ही, पुवृपा ) 1
५. जोइसिय (त्रि ) ।
६. जं० ३।१२ ।
७. सं० पा०-- उक्किट्टाए जाव वीईवयमाणे ८. विमाणवास (क, ख, त्रि, प, ब ) ।
६. जं० ५।१८-४६ ।
१०. पादत्ताणीया (ब) !
११. अस्य' 'जाव' पदस्य पूर्तिवृत्तित्रयेपि भिन्न-भिन्न
प्रकारेण कृतास्ति यावत्करणात्
जेणेव
Jain Education International
भगवं तित्थयरे तेणेव उवागच्छइ, भगवं तिस्थयरं आयाहिण-पयाहिणं करेति २ सा वंदs नमसक, वंदित्ता २ तिविहाए पज्जुवा सणाए पज्जुवास (वृ); यावत्पदात् भगवंतं तित्ययरं तिक्खुत्ती आयाहिणपयाहिणं कद, करिता वंदइ णमंसइ, वंदित्ता णमुंसित्ता णच्चासणे णाइदूरे सुस्सुसमाणे गमसमाणे अभिमुहे विणणं पंजलिउडे इति पर्युपास्ते ( शावृ ) ; यावत्करणात् जेणेव भगवं तित्थगरे तेणेव उवागच्छति २ ता भगवं तित्थगरं आयाहिण -पयाहिणं करेइ इत्यादि द्रष्टव्यम्
( ही ); जं०५५८
१२. ठाणं १० १४६ :
For Private & Personal Use Only
www.jainelibrary.org
| SR No. | 003572 |
| Book Title | Agam 18 Upang 07 Jambudveep Pragnapti Sutra Jambuddivpannatti Terapanth |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 617 |
| Language | Prakrit |
| Classification | Book_Devnagari, Agam, Canon, & agam_jambudwipapragnapti |
| File Size | 12 MB |