Page Text
________________
४८४
जंबुद्दीवपण्णत्ती संठिए सव्वतवणिज्जमए अच्छे, उभओ पासिं दोहिं पउमवरवेइयाहिं दोहि य वणसंडेहि' 'सव्वओ समंता संपरिक्खित्ते ।।
८७. णिसहस्स' णं वासहरपव्वयस्स उप्पि बहुसमरमणिज्जे भूमिभागे जाव आसयंति सयंति।।
८८. तस्स णं बहुसमरमणिज्जस्स भूमिभागस्स बहुमज्झदेसभाए, एत्थ णं महं एगे तिगिछिद्दहे' णामं दहे पण्णत्ते--- पाईणपडीणायए उदीणदाहिणविच्छिण्णे चत्तारि जोयणसहस्साई आयामेणं, दो जोयणसहस्साई विक्खंभेणं, दस जोयणाई उव्वेहेणं, अच्छे सण्हे रययामयकूले ।। ___८६. तस्स णं तिगिछिद्दहस्स चउद्दिसिं चत्तारि तिसोवाणपडिरूवगा पण्णत्ता। एवं जाव आयाम-विक्खंभविहूणा जच्चेव महापउमद्दहस्स वत्तव्वया सच्चेव तिगिछिदहस्सवि वत्तव्वया तं चेव पउमद्दहप्पमाणं अट्ठो जाव तिगिछिवण्णाई। धिई यत्थ देवी पलिओवमट्टिईया परिवसइ । से तेणठेणं गोयमा ! एवं वुच्चइ-तिगिछिद्दहेतिगिछिद्दहे ॥
९०. तस्स णं तिगिछिद्दहस्स दक्खिणिल्लेणं तोरणेणं हरिमहाणई पवढा समाणी सत्त जोयणसहस्साई चत्तारि य एकवीसे जोयणसए एगं च एगूणवीसइभागं जोयणस्स दाहिणाभिमुही पव्वएणं गंता महया घडमुहपवत्तिएण* *मुत्तावलिहारसंठिएणं साइरेगचउजोयणसइएणं पवाएणं पवडइ । एवं जा चेव हरिकताए वत्तव्वया सा चेव हरीएवि णेयव्वा...जिभियाए कंडस्स दीवस्स भवणस्स तं चेव पमा, अट्रोवि भाणियव्वो जाव अहे जगई दालइत्ता छप्पण्णाए सलिलासहस्सेहि समग्गा पुरत्थिमं लवणसमुदं समप्पेइ। तं चेव पवहे य मुहमूले य पमाणं उव्वेहो य जो हरिकताए जाव वणसंडसंपरिक्खित्ता॥
६१. तस्स णं तिगिछिद्दहस्स उत्तरिल्लेणं तोरणेणं सीतोदा महाणई पवूढा समाणी सत्त जोयणसहस्साई चत्तारि य एगवीसे जोयणसए एगं च एगूणवीसइभागं जोयणस्स उत्तराभिमुही पव्वएणं गंता महया घडमुहपवत्तिएणं" 'मुत्तावलिहारसंठिएणं साइरेगचउजोयणसइएणं पवाएणं पक्डइ। सीतोदा णं महाणई जओ पवडइ, एत्थ णं महं एगा जिभिया पण्णत्ता-चत्तारि जोयणाई आयामेणं, पण्णासं जोयणाई विक्खंभेणं जोयणं बाहल्लेणं, मगरमुहविउट्टसंठाणसंठिया सव्ववइरामई अच्छा ।।
६२. सीतोदा णं महाणई जहिं पवडइ, एत्थ णं महं एगे सीओदप्पवायकुंडे णाम कुंडे पण्णत्ते- चत्तारि असीए जोयणसए आयाम-विवखंभेणं, पण्णरसअट्ठारे' जोयणसए
७. सं० पा०-घडमुहपवत्तिएणं जाव साइरेग। ८. जं. ४१७४-७८। ६. सीओता (अ,ब); सीओदा (त्रि); सीओआ
१. सं० पा०-वणसंडेहिं जाव संपरिक्खित्ते । २. णिसभस्स (अ, ब)। ३. तिगिच्छिद्दहे (अ, ब)। ४. रततामयकूले (अ,ब) । ५. जं० ४१६४। ६. दक्षिणेणं (अ,क,ख,त्रि,ब,स)।
१०. सं० पा०--घडमुहपवत्तिएणं जाव साइरेग। ११. °अट्ठार (त्रि,ब)।
Jain Education International
For Private & Personal Use Only
www.jainelibrary.org
| SR No. | 003572 |
| Book Title | Agam 18 Upang 07 Jambudveep Pragnapti Sutra Jambuddivpannatti Terapanth |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 617 |
| Language | Prakrit |
| Classification | Book_Devnagari, Agam, Canon, & agam_jambudwipapragnapti |
| File Size | 12 MB |