Page Text
________________
चउत्थो वखारो णाम दीवे पण्णत्ते----सोलस जोयणाई आयाम-विक्खंभेणं, साइरेगाइं पण्णासं जोयणाई परिक्खेवेणं, दो कोसे ऊसिए जलंताओ, सव्ववइरामए अच्छे । से गं एगाए पउमरवेइयाए एगेण य वणसंडेणं सव्वओ समता संपरिक्खित्ते ।।
६६. रोहियदीवस्स णं दीवस्स उप्पि बहुसमरमणिज्जे भूमिभागे पण्णत्ते ।।
७०. तस्स णं बहुसमरमणिज्जस्स भूमिभागस्स बहुमज्झदेसभाए, एत्थ णं महं एगे भवणे पण्णत्ते -कोसं आयामेणं, सेसं तं चैव पमाणं च अट्ठो य भाणियब्बो'
७१. तस्स णं रोहियप्पवायकुंडस्स दक्खिणिल्लेणं तोरणेणं रोहिया महाणई पढा समाणी हेमवयं वासं एज्जेमाणी-एज्जेमाणी सद्दावई वट्टवेयड्वपव्वयं अद्धजोयणेणं असंपत्ता पुरत्थाभिमुही आवत्ता समाणी हेमवयं वासं दुहा विभयमाणी-विभयमाणी अट्ठावीसाए सलिलासहस्से हिं समग्गा अहे जगई दाल इत्ता पुरथिमेणं लवणसमूह समप्पेइ ॥
७२. रोहिया णं •पवहे अद्धते रसजोयणाई विक्खंभेणं, कोसं उब्वेहेणं, तयणंतरं च णं मायाए-मायाए परिवड्डमाणी-परिवड्डमाणी मुहमूले पणवीसं जोयणसयं विक्खंभेणं, अड्डाइज्जाइं जोयणाई उव्वेहेणं, उभओ पासिं दोहिं पउमवरवेइयाहिं दोहि य वणसंडेहि संपरिक्खित्ता।
७३. तस्स णं महापउमद्दहस्स उत्तरिल्लेणं तोरणेणं हरिकता महाणई पढा समाणी सोलस पंचु त्तरे जोयणसए पंच य एगूणवीसइभाए जोयणस्स उत्तराभिमुही पव्वएणं गंता महया घडमुहपवत्तिएणं मुत्तावलिहारसंठिएणं साइरेगदुजोयणसइएणं पवाएणं पवडइ॥
७४. हरिकता महाणई जओ पवडइ, एत्थ णं महं एगा जिब्भिया पण्णत्ता-दो जोयणाई आयामेणं, पणवीसं जोयणाई विक्खंभेणं, अद्धजोयणं बाहल्लेणं, मगरमुहविउट्टसंठाणसंठिया 'सव्वरयणामई [सव्ववइरामई ?'"] अच्छा ।।
७५. हरिकता णं महाणई जहिं पवडइ, एत्थ णं महं एगे हरिकतप्पवायकंडे णामं कुंडे पण्णत्ते- दोणि य चत्ताले जोयणसए आयाम-विक्खंभेणं, सत्तअउणटठे जोयणसए परिक्खेवेणं, अच्छे, एवं कुंडवत्तव्वया सव्वा नेयव्वा जाव' तोरणा॥
७६. तस्स णं हरिकंतप्पवायकुंडस्स बहुमज्झदेसभाए, एत्थ णं महं एगे हरिकंतदीवे णाम दीवे पण्णत्ते- बत्तीसं जोयणाई आयाम-विक्खंभेणं एगुत्तरं जोयणसयं परिक्खेवेणं, दो कोसे ऊसिए जलंताओ, सव्वरयणामए अच्छे । से णं एगाए प उमवरवेइयाए एगेण
१. ० ४१३३,३४ । २. समुप्पेइ (ख, त्रि)1 ३. सं० पा०-रोहिया णं जहा रोहियंसा तहा
पवहे य मुहे (तहा वट्टवेयट्टमुहे-अ, ब) य
भाणियव्व जाव संपरिक्खित्ता। ४. अत्र 'सव्वरयणामई' ति पाठो बह्वादशंदृष्टोऽपि
लिपिप्रमादादापतित एव सम्भाव्यते, बृहत्क्षेत्रविचारादिषु सर्वासां जिबिकानां वज्रमयत्वेनैव भणनात् जलाशयानां प्रायो बज्रमय.
स्वेनैवोपपत्तेश्च (शाव) । ५. जं० ४१२५-३०।
Jain Education International
For Private & Personal Use Only
www.jainelibrary.org
| SR No. | 003572 |
| Book Title | Agam 18 Upang 07 Jambudveep Pragnapti Sutra Jambuddivpannatti Terapanth |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 617 |
| Language | Prakrit |
| Classification | Book_Devnagari, Agam, Canon, & agam_jambudwipapragnapti |
| File Size | 12 MB |