Page Text
________________
जंबुद्दीवपण्णत्तो गाणं एगणपण्णाए कुरज्जाणं विणीयाए रायहाणीए चुल्ल हिमवंतगिरिसागरमेरागस्स केवलकप्पस्स भरहस्स वासस्स अण्णेसि च बहूणं राईसर'-तलवर-भाडंबियकोडंबिय-इन्भ-सेट्ठि-सेणावइ°-सत्थवाहप्पभिईणं आहेवच्चं पोरेवच्चं सामित्तं भट्टित्तं महत्तरगत्तं आणा-ईसर-सेणावच्चं कारेमाणे पालेमाणे ओह्य-णिहएसु कंटएसु उद्धियमलिएसु सव्वसत्तुसु णिज्जिएसु भरहा हिवे गरिदे वरचंदणचच्चियंगे वरहाररइयवच्छे वरमउडविसिट्ठए वरवत्थभूसणधरे सव्वोउयसुरहिकुसुमवरमल्लसोभियसिरे वरणाडगनाडइज्ज-वरइत्थिगुम्म सद्धि संपरिबुडे सव्वोसहि-सव्वरयण-सव्वसमिइसमग्गे संपुण्णमणोरहे यामित्तमाणमहणे पुवकयतवप्पभाव-निविट्ठसंचियफले भुंजइ माणुस्सए सुहे भरहे णामधेज्जे ॥
२२२. तए णं से भरहे राया अण्णया कयाइ जेणेव मज्जणघरे तेणेव उवागच्छइ, उवागच्छित्ता 'मज्जणघरं अणुपविसइ, अणुयविसित्ता समुत्तजालाकुलाभिरामे विचित्तमणिरयणकुट्टिमतले रमणिज्जे पहाणमंडवंसि णाणामणि-रयण-भत्तिचित्तंसि पहाणपीढंसि सुहणिसण्णे सुहोदएहिं गंधोदएहि पुप्फोदएहि सुद्धोदएहि य पुण्णे कल्लाणगपवरमज्जणविहीए मज्जिए तत्थ कोउयसएहिं बहुविहिं कल्लाणगपवरमज्जणावसाणे पम्हलसुकुमालगंधकासाइयलहियंगे सरससुरहिगोसीसचंदणाणुलित्तगत्ते अहयसुमहग्घदूसरयणसुसंवुए सुइमाला-वण्णग-विलेवणे आविद्धमणिसुवण्णे कप्पियहारद्धहार-तिसरय-पालंबपलबमाणकडिसत्तसूकयसोहे पिणद्धगेविज्जगअंगलिज्जग-ललितंगयललियकयाभरणे णाणामणिकड गतुडियथंभियभुए अहियरूवसस्सिरीए कुंडलउज्जोइयाणणे मउडदित्तसिरए हारोत्थयसुकयरइयवच्छे पालंबपलबमाणसुकयपडउत्तरिज्जे मुद्दियापिंगलंगुलीए णाणामणिकणगविमल-महरिह-णिउणोवियमिसिमिसेंत-विरझ्यसुसिलिट्ठविसिटुलट्ठसंठिय-पसत्थआविद्धवीरवलए, किं बहुणा? कप्परुक्खए चेव अलंकियविभूसिए नरिंदे सकोरंटमल्लदामेणं छत्तेणं धरिज्जमाणेणं चउचामरवालवीइयंगे मंगलजयसद्दकयालोए अणेगगणणायग-दंडणायगराईसर-तलवर-माडंबिय - कोडुंबिय-मंति-महामंति - गणग-दोबारिय-अमच्च-चेड-पीढमद्दनगर-निगम-सेट्ठि-सेणावइ-सत्थवाह-दूय-संधिवालसद्धि संपरिवुडे धवल-महामेहणिग्गए इव गहराण-दिप्पंत-रिक्ख-तारागणाण मज्झे ससिव्व पियदसणे गरवई मज्जणघराओ पडिणिक्खमइ, पडिणिक्खमित्ता जेणेव आदंसघरे जेणेव सीहासणे तेणेव उवागच्छइ, उवागच्छित्ता सीहासणवरगए पुरत्थाभिमुहे णिसीय इ, णिसीइत्ता आदसघरंसि अत्ताणं देहमाणे-देहमाणे चिट्ठइ ।।
२२३. तए णं तस्स भरहस्स रण्णो सुभेणं परिणामेणं पसत्थेहिं अज्झवसाणेहि
१. रादीसर (आवश्यकचूणि पृ० २०८) २. सं० पा०-तलवर जाव सत्यवाह। ३. करेमाणे (अ, क, ब)। ४. विसट्ठाए (अ, ब); विकट्टए (क);
विगड्ढए (ख, पुपा)।
५. चूणौ तु 'वरम उडाविद्धाए' (शा)। ६. तृतीया लोप: आर्षत्वात् (शाव)। ७. हतामित्तसत्तुपक्खे (आवश्यकचूणि पृ०२०६)। ८. पुवकड (क,स)। ६. सं० पा०-- उवागच्छित्ता जाव ससिव्व ।
Jain Education International
For Private & Personal Use Only
www.jainelibrary.org
| SR No. | 003572 |
| Book Title | Agam 18 Upang 07 Jambudveep Pragnapti Sutra Jambuddivpannatti Terapanth |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 617 |
| Language | Prakrit |
| Classification | Book_Devnagari, Agam, Canon, & agam_jambudwipapragnapti |
| File Size | 12 MB |