Page Text
________________
तइयो पक्खारो
६७. तीसे णं तिमिसगुहाए वहुमज्झदेसभाए, एत्थ णं 'उम्मुग्ग-णिमुग्गजलाओं' णामं दुवे महाणईओ पण्णत्ताओ, जाओ णं तिमिसगुहाए पुरथिमिल्लाओ भित्तिकडगाओ पवूढाओ समाणीओ पच्चत्थिमेणं सिंधु महाणई समप्पेति ।।
१८. से केणठेणं भंते ! एवं वुच्चइ-उम्मुरग-णिमुग्गजलाओ महाणईओ ? गोयमा ! जण्णं उम्मुग्गजलाए महाणईए तणं वा पत्तं वा कळं वा सक्करा वा आसे वा हत्थी वा रहें' वा जोहे वा मणुस्से वा पविखप्पई, तण्णं उम्मुग्गजला महाणई तिवखुत्तो आहुणियआहुणिय एगते थलं सि एडेइ । जपणं णिमुग्गजलाए महाण ईए तणं वा पत्तं वा कटठे वा सक्करा वा' 'आसे वा हत्थी वा रहे वा जोहे वा मणुस्से वा पक्खिप्पइ, तण्णं णिमुग्गजला महाणई तिक्खुत्तो आहुणिय-आहुणिय अंतो जलं सि णिमज्जावेइ। से तेणठेणं गोयमा ! एवं वुच्च इ-उम्मुग्गणिमुग्ग जलाओ महाणईओ॥
६. तए णं से भरहे राया चक्करयणदेसियमग्गे अणेगरायवरसहस्साणुयायमग्गे महया उक्किट्टिसीहणाय वोलकलकल रवेणं पक्खुभियमहासमुद्दरवभूयंपिव° करेमाणे-करेमाणे सिंधूए महाणईए 'पुरथिमिल्लेणं कूलेणं" जेणेव उम्मुग्गणिमुग्गजलाओ महाणईओ तेणेव उवागच्छइ, उवागच्छित्ता वड्डइरयणं सद्दावेइ, सद्दावेत्ता एवं वयासी-खिप्पामेव भो देवाणुप्पिया ! उम्मुग्मणिमुग्गजलासु महाणईसु अणेगखंभसयसण्णिविठे अचलमकंपे अभेज्जकवए सालवणवाहाए सव्वरयणामए सुहसंकमे करेहि, करेत्ता मम एयमाणत्तियं खिप्पामेव पच्चप्पिणाहि ।।
१००. तए णं से वड्डइरयणे भरहेणं रण्णा एवं वुत्ते समाणे हट्टतुट्ठ-चित्तमाणदिए" नंदिए पीइमणे परमसोमणस्सिए हरिसवसविसप्पमाणहियए करयलपरिग्गहियं सिरसावत्तं मत्थए अंजलि कट्ट एवं सामो ! तहत्ति आणाए° विणएणं वयणं पडिसुणेइ, पडिसुणेत्ता खिप्पामेव उन्मुग्गणिमुग्गजलासु महाण ईसु अणेगखंभसयसण्णि विट्ठे अचलमकंपे अभेज्जकवए सालंबणबाहाए सव्वरयणामए° सुहसंकमे करेइ, करेत्ता जेणेव भरहे राया तेणेव उवागच्छइ, उवागच्छित्ता एयमाणत्तिय पच्चोप्पणइ ।।
१०१. तए णं से भरहे राया सखंधादारबले उम्मुग्गणिमुग्गजलाओ महाणईओ तेहिं अणेगखंभसयसग्णिविठेहि 'अचलमकंपेहिं अभेज्जकवएहि सालवणवाहाएहिं सव्वरयणामएहि सुहसंकमेहिं उत्तरइ ॥
१०२. तए गं तीसे तिमिसगुहाए उत्तरिल्लस्स दुवारस्स कवाडा सयमेव महया-महया कोंचारवं करेमाणा सरसरस्स सगाई" सगाई ठाणाई पच्चीसक्कित्था ।।
१०३. तेणं कालेणं तेणं समएणं उत्तरड्डभरहे वासे बहवे आवाडा णामं चिलाया १. उम्मगणिम्मग्ग (प) ; उम्मगणिमग्ग (स) । ७. सं०पा०-हट्टतुटूचित्तमाणदिए जाव विणएणं ! २. x (अ,क,ख,त्रि,ब,स,पुवृहीवृ) ।।
८. सं० पा.-अणेगखंभसयसणिविट्ठे जाव सुह३. परिक्खिप्पति (ख.त्रि); पक्खिपति (पुत्र); संकी। पक्खिप्पति (पुत्पा)
६. उवागच्छित्ता जाव (अ,क,ख,त्रि,प,ब,स)। ४.सं० पा०—सक्करा वा जाव मण स्से। १०. सं० पा०---अणेगखंभसयसण्णिविठेहि जाव ५.सं. पा.--उक्किद्विसीहणाय जाव करेमाणे। सुहसंकमेहिं। ६. उभयत्रापि 'ण' शब्दो वाक्यालङ्कारे (शावृ)। ११. साइं (क,ख,)।
Jain Education International
For Private & Personal Use Only
www.jainelibrary.org
| SR No. | 003572 |
| Book Title | Agam 18 Upang 07 Jambudveep Pragnapti Sutra Jambuddivpannatti Terapanth |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 617 |
| Language | Prakrit |
| Classification | Book_Devnagari, Agam, Canon, & agam_jambudwipapragnapti |
| File Size | 12 MB |