Page Text
________________
जंबुद्दीवपण्णत्ती कडगाणि य तुडियाणि य वत्थाणि य आभरणाणि य गेण्हइ, गेण्हित्ता ताए उक्किट्ठाए' 'तुरियाए चवलाए जइणाए सीहाए सिग्याए उद्धयाए दिव्वाए देवगईए वीईवयमाणे-बीईवयमाणे जेणेव भरहे राया तेणेव उवागच्छइ, उवागच्छित्ता अंतलिक्खपडिवण्णे सखिखिणीयाई पंचवण्णाई वत्थाई पवर परिहिए करयलपरिगहियं दसणहं सिरसावत्तं मत्थए अंजलि कटु भरहं रायं जएणं विजएणं वद्धावेइ, वद्धावेत्ता एवं वयासी--अभिजिए णं देवाणुप्पिएहि केवलकप्पे भरहे वासे, अहण्णं देवाणुप्पियाणं विसयवासी, अहण्णं देवाणु प्पियाणं आणत्ति-किंकरे, तं पडिच्छंतु णं देवाणुप्पिया! मम इमं एयारूवं पीइदाणंतिकट्ठ आभिसेक्कं रयणालंकारं कडगाणि य तुडियाणि य वत्थाणि य आभरणाणि य उवणेइ ।।
६५. तए णं से भरहे राया वेयड्डगिरिकुमारस्स देवस्स इमेयारूवं पीइदाणं पडिच्छइ, पडिच्छित्ता वेयवगिरिकुमारं देवं सक्कारेइ सम्माणेइ, सक्कारेत्ता सम्माणेत्ता पडिविसज्जेइ ।।
६६. तए णं से भरहे राया पोसहसालाओ पडिणिक्खमइ, पडिणिक्खमित्ता जेणेव मज्जणघरे तेणेव उवागच्छइ, उवागच्छित्ता पहाए कयवलिकम्मे जाव जेणेव भोयणमंडवे तेणेव उवागच्छइ, उवागच्छित्ता भोयणमंडवंसि सुहासणवरगए अट्ठमभत्तं पारेइ, पारेत्ता भोयणमंडवाओ पडिमिक्वमइ, पडिणिक्खमित्ता जेणेव बाहिरिया उवट्ठाणसाला जेणेव सीहासणे तेणेव उवागच्छइ, उवागच्छित्ता सीहासणवरगए पुरत्थाभिमुहे णिसीयइ, णिसीइत्ता अट्ठारस सेणि-प्पसेणीओ सद्दावेइ, सद्दावेत्ता एवं वयासी-खिप्पामेव भो देवाणुप्पिया ! उस्सुक्क उक्करं उक्किट्ठ अदिज्ज अमिज्जं अभडप्पवेसं अदंडकोदंडिमं अधरिमं गणियावरणाडइज्जकलियं अणेगतालायराणुचरियं अणुद्धयमुइंगं अमिलायमल्लदामं पमुइयपक्कीलिय-सपुरजणजाणवयं विजयवेजइयं वेयड्डगिरिकुमारस्स देवस्स अट्ठाहियं महामहिम करेह, करेत्ता मम एयमागत्तियं पच्चप्पिणह ॥
६७. तए णं ताओ अट्ठारस सेभि-प्पसेणीओ भरहेणं रण्णा एवं वुत्ताओ समाणीओ हट्ठतुट्ठाओ जाव अट्ठाहियं महामहिमं करेंति, करेत्ता तमाणत्तियं पच्चप्पिणंति ॥
६८. तए णं से दिव्वे चक्क रयणे वेयड्ढगिरिकुमारस्स देवस्स अट्ठाहियाए महामहिमाए णिवत्ताए समाणीए' *आउहघरसालाओ पडिणिक्खमइ, पडिणिक्खमित्ता अंतलिक्खपडिवण्णे जक्ख सहस्ससंपरिवडे दिव्वतुडियसद्दसण्णिणादेणं पूरेंते चैव अंबरतलं° पच्चत्थिम दिसिं तिमिसगुहाभिमुहे पयाए आवि होत्था ।।
६६. तए णं से भरहे राया तं दिव्यं चक्करयणं' पच्चत्थिम दिसि तिमिसगुहाभिमुहं पयातं चावि पासइ, पासित्ता हट्टतुट्ठ-चित्तमाणदिए जाव' तिमिसगुहाए अदूरसामते दुवालसजोयणायामं णवजोयणविच्छिण्ण' वरणगरसरिच्छं विजयखंधावारनिवेसं करेइ, करेत्ता
१. सं० पा० --- उविकट्टाए जाव अदाहियं जाव
पच्चप्पिणंति। २. सं० पा---समाणीए जाव पच्चस्थिमं । ३. चक्करयणं जाव (अ, क, ख, ग, ट, त्रि,)
शाब); अत्र 'जाव' पदं लिपिप्रमादादागतं
सम्भाव्यते। ४. ज० ३११५.१८॥ ५. सं० पा०—णवजोयणविच्छिपणं जाव कय
मालस्स।
Jain Education International
For Private & Personal Use Only
www.jainelibrary.org
| SR No. | 003572 |
| Book Title | Agam 18 Upang 07 Jambudveep Pragnapti Sutra Jambuddivpannatti Terapanth |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 617 |
| Language | Prakrit |
| Classification | Book_Devnagari, Agam, Canon, & agam_jambudwipapragnapti |
| File Size | 12 MB |