Page Text
________________
३६२
जंबुद्दीवपण्णत्ती अणुलिपंति, अणुलिंपित्ता अहताई दिव्वाइं देवदूसजुयलाई णियंसंति, णियंसित्ता सव्वालंकार-विभूसियाई करेंति ।।
१०१. तए णं से सक्के देविदे देवराया ते वहवे भवणवई'- वाणमंतर-जोइसवेमाणिए देवे एवं वयासी-खिप्पामेव भो देवाणुप्पिया! ईहामिग-उसभ-तुरग'-*णरमगर-विहग-वालग-किण्णर-रुरु-सरभ-चमर-कुंजर-वणलय-पउमलय -भत्तिचित्ताओ तओ सिवियाओ विउव्वह-- एगं भगवओ तित्थगरस्स, एगं गणहराणं, एगं अवसेसाणं अणगाराणं ।।
१०२. तए णं ते वहवे भवणवइ'-'वाणमंतर-जोइस-वेमाणिया देवा तओ सिबियाओ विउव्वंति-- एगं भगवओ तित्थगरस्स, एगं गणहराणं, एगं अवसेसाणं अणगाराणं ।।
१०३. तए णं से सक्के देविदे देवराया विमणे णिराणंदे अंसुपुण्णणयणे भगवओ तित्थग रस्स विणटुजम्मजरामरणस्स सरीरगं सीयं आरुहेति, आरुहेत्ता चियगाए ठवेइ ।।
१०४. तए णं बहवे भवणवइ. वाणमंतर-जोइस-वेमाणिया देवा गणहराणं अणगाराण य विण?जम्मजरामरणाणं सरीरगाइं सीयाओ' आरुहेति, आरुहेत्ता चियगाए ठवेंति ।।
१०५. तए णं से सक्के देविदे देवराया अग्गिकुमारे देवे सद्दावेइ, सद्दावेत्ता एवं वयासी-खिप्पामेव भो देवाणुप्पिया ! तित्थगरचियगाए गणहरचियगाए अणगारचियगाए अगणिकायं विउव्वह, विउव्वित्ता एयमाणत्तियं पच्चप्पिणह ।।
१०६. तए णं ते अग्गिकुमारा देवा विमणा णिराणंदा अंसुपुण्णणयणा तित्थगरचियगाए गणहरचियगाए अणगारचियगाए य अगणिकायं विउव्वंति ॥
१०७. तए णं से सक्के देविंदे देवराया वाउकुमारे देवे सद्दावेइ, सद्दावेत्ता एवं वयासी-खिप्पामेव भो देवाणुप्पिया ! तित्थगरचियगाए 'गणहरचियगाए° अणगारचियगाए य वाउक्कायं विउव्वह, विउव्वित्ता अगणिकायं उज्जालेह, तित्थगरसरीरगं गणहरसरीरगाइं अणगारसरीरगाइं च झामेह ।।
१०८. तए णं ते वाउकुमारा देवा विमणा णिराणंदा अंसुपुण्णणयणा तित्थगरचियगाएं गणहरचियगाए अणगारचियगाए य वाउक्कायं विउव्वंति, अगणिकायं उज्जालेंति, तित्थगरसरीरगं गणहरसरीरगाई अणगारसरीरगाणि य झामें ति ।।
१०६. तए णं से सक्के देविदे देवराया ते वहवे भवणवई"- वाणमंतर-जोइस-वेमाणिए देवे एवं क्यासी---खिप्पामेव भो देवाणुप्पिया ! तित्थगरचियगाए 'गणहरचियगाए' अणगारचियगाए य अगुरु"-तुरुक्क"-घय-मधुं च कुंभग्गसो य भारग्गसो य साहरह ।।
१,११. सं० पा०--भवणवइ जाव वेमाणिए। ६. सं. पा०-तित्थगरचियगाए जाव विउव्वंति। २. सं० पा०-तुरग जाव वणलयभत्तिचित्ताओ। १०. सं० पा.- तित्थगरसरीरगं जाव अणगार३,४. सं० पा०-भवणवइ जाव वेमाणिया। सरीरगाणि । ५. सीयं (क,ख त्रि,प,स)।
१३. x (अ,ब) । ६,७,८,१२. सं० पा०—तित्थगरचियगाए जाव १४. तुरक् (अ,ब)।
अणगारचियगाए।
Jain Education International
For Private & Personal Use Only
www.jainelibrary.org
| SR No. | 003572 |
| Book Title | Agam 18 Upang 07 Jambudveep Pragnapti Sutra Jambuddivpannatti Terapanth |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 617 |
| Language | Prakrit |
| Classification | Book_Devnagari, Agam, Canon, & agam_jambudwipapragnapti |
| File Size | 12 MB |