Page Text
________________
पदमं पण्णवणापर्य
२५
नेरइयजीव-पदं
५३. से कि तं नेरइया ? नेरइया सत्तविहा पणत्ता, तं जहा-रयणप्पभापुढविनेरइया, सक्करप्पभापुढविनेरइया, वालुयप्पभापुढविनेरइया, पंकप्पभापुढविनेरइया, धूमप्पभापुढविनेरइया, तमप्पभापुढविनेरइया, तमतमप्पभापुढविनेरइया। ते समासतो दुविहा पण्णत्ता, तं जहा-पज्जत्तगा य अपज्जत्तगा य । से तं नेरइया ॥ तिरिक्खजोणियजीव-पदं
५४. से किं तं पंचिदियतिरिक्खजोणिया? पंचिदियतिरिक्खजोणिया तिविहा पण्णत्ता, तं जहा---जलयरपंचिदियतिरिक्खजोणिया, थलयरपंचिदियतिरिक्खजोणिया, खयरपंचिदियतिरिक्खजोणिया ।।
५५ से कि तं जलयरपंचिदियतिरिक्खजोणिया ? जलयरपंचिंदियतिरिक्खजोणिया पंचविहा पण्णत्ता, तं जहा-मच्छा, कच्छभा', गाहा, मगरा, सुंसुमारा' ।
५६. से कि तं मच्छा ? मच्छा अणेगविहा पण्णत्ता, तं जहा–सण्हमच्छा खवल्लमच्छा जुगमच्छा विज्झिडियमच्छा" हलिमच्छा' मग्गरिमच्छा रोहियमच्छा हलीसागरा गागरा वडा वडगरा तिमी तिमिगिला' णक्का तंदलमच्छा कणिक्कामच्छा सालिसच्छियामच्छा लंभणमच्छा पडागा पडागातिपडागा । जे यावण्णे तहप्पगारा । से तं मच्छा ।
५७. से किं तं कच्छभा ? कच्छभा दुविहा पण्णत्ता, तं जहा-अट्टिकच्छभा य मंसकच्छभा य । से तं कच्छभा ॥
५८. से कि तं गाहा ? गाहा पंचविहा पण्णत्ता, तं जहा-दिली वेढला मुद्धया" पुलगा सीमागारा। से तं गाहा ।।
५६. से कि तं मगरा ? मगरा दुविहा पण्णत्ता, तं जहा-सोंडमगरा य मट्ठमगरा य । से तं मगरा
६०. से कि तं सुसुमारा ? सुसुमारा एगागारा पण्णत्ता । से तं सुसुमारा। 'जे यावण्णे तहप्पगारा" ते समासतो दुविहा पण्णत्ता, तं जहा सम्मु च्छिमा य गब्भवक्कंतिया य । तत्थ णं जेते सम्मुच्छिमा ते सव्वे नपुंसगा । तत्थ गं जेते गब्भवक्कतिया ते तिविहा पण्णत्ता तं जहा-इत्थी पुरिसा नपुंसगा। एतेसि णं एवमाइयाणं जलयरपंचेंदियतिरिक्खजोणियाणं पज्जत्तापज्जत्ताणं अद्धतेरस जाइकुलकोडिजोणिप्पमुहसयसहस्सा भवंतीति मक्खायं । से तं जलयरपंचेदियतिरिक्खजोणिया ।।
१. तमतमापुढवि (ख,घ)। २. कच्छहा (क,ख,ध,पु)। ३. शिशुमारा: प्राकृतत्वात् सूत्रे 'सुसुमारा' इति
पाठः (म)। ४. खतमच्छा (ख)। ५. चिकभडिय° (ख); विभिडिय° (घ) । ६. हालिद्दमच्छा (ख)
७. मगरिमच्छा (क); मगरीमच्छा (ख) । ८. वडगरा कूयागारा (ग)। ९ तिमंगिला (घ)। १०. मुद्धया (क); सुद्धया (ख,ग,घ) । ११. चिन्हाछितं वाक्यं पूर्वसूत्रेषु उत्तरसूत्रेष्वपि च
निगमनवाक्यात पूर्व वर्तते ।
Jain Education International
For Private & Personal Use Only
www.jainelibrary.org
| SR No. | 003571 |
| Book Title | Agam 15 Upang 04 Pragnapana Sutra Pannavanna Terapanth |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 745 |
| Language | Prakrit |
| Classification | Book_Devnagari, Agam, Canon, & agam_pragyapana |
| File Size | 14 MB |