________________
पढ़मं पण्णवणापयं
सहस्सग्गसो विहाणाई, संखेज्जाई जोणिप्पमुहसयसहस्साइं। पज्जत्तगणिस्साए अपज्जत्तया वक्कमंति-जत्थ एगो तत्थ णियमा असंखेज्जा। से तं वादरवाउक्काइया। से तं वाउक्काइया॥ वणस्सइकाय-पदं
३०. से किं तं वणस्सइकाइया? वणस्सइकाइया दुविहा पण्णत्ता, तं जहा–सुहुमवणस्सइकाइया' य बादरवणस्सइकाइया य ।।
३१. से किं तं सुहुमवणस्सइकाइया ? सुहुमवणस्सइकाइया दुविहा पण्णत्ता, तं जहा-पज्जत्तसुहुमवणस्सइकाइया य अपज्जत्तसुहमवणस्सइकाइया य । से तं सुहुमवणस्सइकाइया ।।
३२. से किं तं वादरवणस्सइकाइया? वादरवणस्सइकाइया दुविहा पण्णता, तं जहा-पत्तेयसरीरवादरवणस्सइकाइया य साहारणसरीरबादरवणस्सइकाइया य ।।
३३. से कि तं पत्तेयसरीरबादरवणस्सइकाइया? पत्तेयसरीरवादरवणस्सइकाइया दुवालसविहा पणत्ता, तं जहा--
__ रुक्ता गुच्छा गुम्मा, लता य वल्ली य पव्वगा चेव ।
तण वलय हरिय ओसहि, जलरुह कुहणा य बोधव्वा ॥१॥ ३४. से' किं तं रुक्खा ? रुक्खा दुविहा पण्णत्ता, तं जहा–एगट्ठिया य बहुवीयगा
य॥
३५. से किं तं एगट्ठिया ? एगट्ठिया अणेगविहा पण्णत्ता, तं जहा
णिबंब जंबु कोसंव, साल अंकोल्ल' पीलु सेलू य । सल्लइ मोयइ मालुय, वउल पलासे करंजे य ॥१॥ पुत्तंजीवयरिठे 'बिभेलए हरडए य भल्लाए । उंबेभरिया खीरिणि बोधव्वे धायइ पियाले ॥२॥ 'पूई य निंबकरए" सेण्हा, तह सीसवा य असणे य ।
पुण्णाग णागरुक्खे सीवणि तहा असोगे य ॥३॥ 'जे यावणे तहप्पगारा"। एतेसि णं मूला वि असंखेज्जजीविया, कंदा वि खंधा वि
१. °वणप्फइ (क) सर्वत्र २. तुलना--आचाराङ्गनियुक्ति, गाथा १२६ ।
उत्तराध्ययने (३६) असौ गाथा किञ्चिद् भेदेन लभ्यतेरुक्खा गुच्छा य गुम्मा य,
लया बल्ली तणा तहा १६४। लयावल या पब्वगा कुहणा,
जलरुहा ओसही तणा ।६५! ३. से कितं असंखेज्जजीविया ? असंखेज्जजीविया दुविहा पण्णत्ता, तं जहा-एगट्ठिया य बहु
बीयगा य (भ० ८।२१८) ! ४. अंकुल्ल (घ)। ५. बिहेलए हरिडए भिल्लाए (क, घ) । ६. खीरणी (घ) ! ७. पूइकरंज (पु); पूतिकरज्ज (म);
पूइयनिवारग (भ० ८।२१६५३; २२१२) । ८. एतद् वाक्यमपूर्णमस्ति । अत्र वृत्तिसूचितं
एतद् वाक्यमध्याहर्यम्-ते सर्वेप्येकास्थिका वेदितव्याः (म )।
Jain Education International
For Private & Personal Use Only
www.jainelibrary.org
